شبابنا فى الخارج


دلوقتى اصبحت المشكلة والجدال والنقاش حول"" الهجرة الغير شرعيه"" ونسوا تماما لماذا هاجروا شباب مصر للخارج وتركوا اهلهم وتركوا مصر مع انها محتاجة جدا لكل فرد

ـيمكن علشان ما فيش شغل

ـيمكن علشان الاسعار مولعة

ـيمكن علشان الاكل كله كيماويات وبيجيب فشل كلوى وسرطان بالذات الماء

ـيمكن علشان الناس كلها بتحب مصلحتها والكل بيكدب على كله

ـيمكن علشان طالع من اوائل دفعته وما اتعينشى بسبب الكوووووووووسة

يييييييييييييييييييييياه لو عددنا المشاكل هنلاقيها كتير جدا جدا المشاكل دية ممكن تخلى الشباب فى الخارج يمسحوا اطباق وينظفوا الحمامات ويبقوا عبيد لاصحاب المال " واحد يبقى كفيل ليهم يتحكم فيهم ونرجع للزمن الجاهلى وزمن العبيد "

كل ده بامل تحقيق المال وانك مش لاقى نفسك فى بلدك فبتحاول تلاقيها فى بلد تانية

فى راى مصر مش هتتحسن لما كل واحد فيها يسيب بلده ويروح يعمر فى بلد تانية ما نعمر فى بلدنا " الصحراء "واسعة ممكن نزرع ونخلى مصر بايدنا قوية وعامرة بدل ما كلنا نسيبها


فى النهاية انا مش باقول كده علشان اقول ان الشباب غلطانين بالعكس هما لو كانوا وجدوا فرصة واحدة للعيش والمكسب عمرهم ما كانوا تركوا مصر واهلهم

وفى الاخر باقول ربنا مع مصر ويا رب تكبر وتبقى احلى بلد فى الدنيا بايد اهلها وفلاحين مصر والعمال


ميروانتكة

5 التعليقات:

  اتحادالمدونين المصريين

11 يونيو 2008 في 10:42 ص

العزيزة الغالية

ميرو انتكة

سعداء بزيارتك لمدونة الاتحاد ...

ولا شكر على واجب فهذا هو دورنا هنا

وسعداء بطلبك الانضمام الينا ..

نتمنى دوام التواصل وفى انتظار

اسهاماتك معنا ..مرحبا بك فى بيتك

وفى انتظار اقتراحاتك لتطوير وتفعيل

دور الاتحاد لخدمة المدونين

  غير معرف

11 يونيو 2008 في 10:48 ص

الابنه الغالية

سعيد بزيارتى لهذه المدونة الجميلة لشابه متزنة تناقش بموضوعيه وتطرح المشكله من جميع جوانبها بفكر مستنير لا بتسرع او سير وراء الموجة ..
وانا معك فى كل ما جاء بمقالك الجميل
رغم كل المشاكل والصعاب التى تواجهنا فى بلدنا الحبيب مصر
لابد من الصمود والعمل بها لرفعتها لا بالهروب منها ...
شكرا لك وسعيد بك

  ميرو انتكة

11 يونيو 2008 في 1:44 م

انا الى متشكرة جدا لزيارتكم لمدونتى البسيطة واتمنى ان ازيد واتعلم منكم من اساتذتى الكبار

  اتحادالمدونين المصريين

22 يونيو 2008 في 11:47 ص

اخى الفاضل

اختى الفاضلة

********************** دعوة ***********************

ندعوكم للمشاركة فى حملتنا من اجل فلسطين ومن اجل اسرى المسلمين فى سجون

الاحتلال وجوانتاناموا ومن اجل التذكير بحقوق الشعب الفلسطينى وبخاصة حق العودة الذى

تجرى محاولات لشطبة وطمسه من قرارات الامم المتحدة .....

فى انتظاركم لدعم اخوتنا ومواجهة المحاولات الصهيونية الامبريالية الاسرائيلية الامريكية

  الشريف / جمال طة

15 يوليو 2008 في 1:43 م

عزيزتى

مصر أصبحت للحرامية والنصابين والرقصات والفهلوه والحكومة تبذل قصارى جهدها للتخلص من الشعب بصفة عامة والشباب بصفة خاصة والحمدلله اخيرا ابتلينا باعلام منافق كداب مضلل مأجور وموجه