التربية السليمة

3 مصطلحات هما اساس التربية السليمة

1ـ الحب

2ـ الحنان

3ـ الامان

رقم واحد الحب فى رايى وجود الحب داخل الاسرة شىء مهم جدا فى التربية السليمة ازاى نخلق جيل جديد بيحبو بعض
الحب ده اساسه بين الاب والام لو حسوا الابناء ان فيه حب بين الوالدين اكيد هيعرفوا ايه معنى الحب ويحاولوا يجربوه واكيد بكده هيحبوا بعض واكيد هيحاولوا يتواصلوا مع العالم الخارجى كمان

بس للاسف لو الحب ده مش موجود من الاساس بين الاب والام استحالة يعلموه لاولادهم وبكده يبقوا معقدين وللاسف منعزلين عن العالم الخارجى

ثانيا الحنان الحنان اساسه الام , الام هى منبع الحنان لاطفالها والاب ايضا ولكن مع انشغال وكثرة الاعمال فالام هى الاساس فى الحنان
واعتقد ان الحنان غريزة اساسية فى كل ام


ثالثا الامان والاب هو اساس الامان فى الاسرة وانا فى رايى ان الامان هو اهم احساس يجب وجوده فى الاسرة
لان للاسف اذ لم يوجد الاحساس بالامان فى الاسرة فانها اسرة مهددة فى اى وقت ولم ياتى الاستقرار النفسى داخل اى اسرة دون الامان

انا باطلب من كل اب ومن كل ام الثلاث اسس هم اساس اى اسرة ناجحة علميا ونفسيا ويجب تعليمهم هذه الاسس لكى ياتى الجيل القادم جيل المستقبل وجيل النجاح الذى اساسه اكيد اسرة ناجحة وتربية سليمة ميرو انتكة

13 التعليقات:

  محمد مارو

11 يوليو 2008 في 7:42 م

الاخت ميرو انتكه

اولا انتى اتكلمتى فى اسس التربيه فعلا

بيهم و لو نفذناهم صح هنطلع جيل تمام

فى حديث عن الرسولصلى الله عليه و سلم بهذا الشان بيقول
لاعب ابنك سبع و علمه سبع و صاحبه سبع
بعد كده اما يكون ابنك حبيب او عدو لك
صدق رسول الله صلى الله عليه و سلم

ثانيا اهلا بكى ضيفه عزيزه على مدونتى
بما اننا محلاويه زى بعض

  ميرو انتكة

11 يوليو 2008 في 8:16 م

فعلا لو الاسس اتنفذت الجيل القادم اكيد هيبقى جيل ناجح
وفعلا صدق رسول الله صلى الله عليه وسلم

ومتشكرة جدا ليك واهل بيك فى مدونتى

  غير معرف

11 يوليو 2008 في 11:59 م

بجد كلام جميل
وجبتى الاساسيات صح

ربنا يكرمك ع الافاده دى

تقبلى مرورى

  ميرو انتكة

12 يوليو 2008 في 1:20 ص

اهلا بيك فى مدونتى ومتشكرة بجد على زيارتك لمدونتى ويا رب تعجبك على طول

  toty

15 يوليو 2008 في 10:41 م

ازيك يا ميروووووووووو

مدونتك عسوله اوى

انتى وحشانىىىىىىى
مووووووووووووووت

وبجد مبروك عليكى مدونتك الجميله زيك يا قمر

اتمنالك التوفيق والنجاح فى حياتك

اختك اللى بتحبك وبتموت فيكى
فطومه

  ميرو انتكة

16 يوليو 2008 في 12:07 ص

فطووووووومة حبيبتى وحشاااانى موووت بجد

وبجد نفسى اشوفك بس خلاص هانت
ميرسى يا قمر انتى الى مدونتك جميلة جدا وانتى الى حببتينى فى التدوين ربنا يوفقك يا توتى

  Unknown

16 يوليو 2008 في 11:02 ص

ابشروا .. هنقفل المدونات ونقعد فى البيت
يوم الاربعاء 9/7/2008

فى المصرى اليوم كتب الاستاذ / مجدى الجلاد عن مشروع جديد

لتقييد الحريات واليكم المقال
---------------------------------------

قانون «ذبح» الفضائيات .. والـ «فيس بوك»!

ادعوكم لبحث هذا الموضوع الخطير قبل فوات الاوان

  عدنان أحمد

22 يوليو 2008 في 6:24 ص

السلام عليكم

اظن انك قلتي اهم اساسيات التربيه السليمه
و اسمحي لي ان اضيف شئ بسيط
فأنا ارى ان من اهم الأساسيات ايضا
ان لم يكن اهمها على الإطلاق
هو القدوة الصالحه

فلابد للأب و الأم ان يكونوا قدوة لأبنائهم لأن الأطفال دائما يقلدون الكبار

اشكرك لإلقاء الضوء على مثل هذا الموضوع

تحياتي
عدنان

  دعاء مواجهات

22 يوليو 2008 في 9:29 م

الجميلة أنتكة

كلامك صح ويمكن كمان معظم الآباء يكونوا
عارفينة كويس اوى

بس مين ينفذ

اللى فى ايدنا هوز احنا

فى المستقبل بإذن الله

تحياتى ياقمر

بيس..

  ميرو انتكة

23 يوليو 2008 في 4:12 م

اسير حبيبتى
وعليكم السلام ورحمة الله وبركاته

عندك حق فعلا القدوة عامل كبير قوى فى التربية السليمة وفى تكوين الشخصية
وفى الاساس لابد انهم الاب او الام

لك تحياتى

  ميرو انتكة

23 يوليو 2008 في 4:15 م

دعاء مواجهات
اهلا بيكى فى مدونتى
وعندك حق فعلا كتير عارفين الاساسيات بس المهم التنفيذ
علشان كده احنا جيل المستقبل فبحاول اركز عليهم من دلوقتى

لك تحياتى

  Unknown

24 يوليو 2008 في 6:22 م

وانا من موقعى هذا اقدر اقولك انك قلتى كلام سليم ومية مية وشكلى كدة هاقرفك زيارات

  ميرو انتكة

24 يوليو 2008 في 10:06 م

انجى
ازيك يا جميل
ميرسى ليكى يا قمر لزيارتك لمدونتى ويا ريت تكرريها كتير

واكيد هاستنى رايك