من بعد العشرين


ازيكم يا جماعة انا النهاردة خلاص كملت عشرين سنة

كتير ممكن يزعلوا انهم كبروا وبالذات البنات لما يكملوا العشرين


بس انا بجد فرحانة عارفين ليه علشان العشرين سنة ما عدوش على الفاضى لا الحمد لله حققت لنفسى كتير واثبت نفسى فى قسم عمارة وكمان حسيت انى بقى ليه اصحاب كتير فى عالم التدوين وبجد استفدت كتير قوى منهم


بجد يا جماعة المهم ان لما سنة تضيع من عمرنا لازم نكون حققنا فيها حاجة لينا


يا رب كل سنة وانتم معايا وجانبى واصحابى


والى عايزين تورت وجاتوه انا عملت كتير فعلا تعالوا اتفضلوا معايا


ميرو انتكة

12 التعليقات:

  عدنان أحمد

6 أغسطس 2008 في 4:45 م

السلام عليكم

بسم الله ما شاء الله
اخبارك كلها تجنن بجد

كل سنة و انتي طيبة
و عقبال مليون سنة
و يارب السنة الجديدة
تكون احلى من اللي فاتت
و تحققي كل اللي نفسك فيه

تحياتي
عدنان

  ميرو انتكة

6 أغسطس 2008 في 5:52 م

وعليكم السلام
الله يخليك يا عدنان يا رب وانت طيب

وربنا ما يحرمنى منكم يا رب ومن تعليقاتكم الرقيقة

ويا رب انت كمان تبقى شاعر كبير قوى وتحقق كل الى نفسك فيه

تحياتى ليك

  Unknown

7 أغسطس 2008 في 2:42 ص

كل سنة وانت طيبة وبخير وعسولة وامورة وتحفة ولذيذة و ظريفة و جميلة و محتفظة بشباب قلبك يااااااااااااارب....
بس ايه الكروتة دى انا عايزة تورتة وجاتوه وبيبسى وشاى بلبن

  ميرو انتكة

7 أغسطس 2008 في 5:06 م

انجى ازيك يا قمر
وحشاااااااااانى جدا والله

وانتى طيبة يا جميل وربنا يخليكى ليه يا رب

بس كده والله تعالى بس واجيب لك الى نتى عايزاه وكمان شا ى بلبن اكيييييييييد

سلام يا جميلة

  mregypt7

7 أغسطس 2008 في 8:02 م

السلام عليكم


كل سنه وانتى طيبه وعقبال مليون سنه


بس انتى عجزتى بدرى اوى ليه كده
بحسبك لسه صغنونه طلعتى عجوزه

ربنا يديكى طوله العمر وتحققى كمان وكمان
ومنك نستفيد فى العماره بما اننا اصحاب قسم واحد

ابقى شيليلى التورته والجاتو بتاعى
وياريت معاهم كولا
انا جاى
خالص تحياتى
الباش مهندس بوحميد

  ميرو انتكة

8 أغسطس 2008 في 12:04 م

وانت طيب يا باشمهندس

عقبالك لما تكمل العشرين وانت فى عمارة وتبقى ناجح فيها

بس كده التورتة موجودة والكولا كمان

واهلا بيك فى قسم عمارة

  Nada

10 أغسطس 2008 في 2:40 ص

كل سنة وانتى طييييبة ياميروو
انتى فرحانة عشان بقى عندك 20 سنة؟
طب خودى عندك بقى هزعلك ههههه
فاضلك خمس سنين ويكون عندك ربع قرن ههههههه

  ميرو انتكة

11 أغسطس 2008 في 12:32 ص

وانتى طيبة يا ندى

اكيد مبسوطة عارفه ليه علشان حسيت انى عملت حاجة فى العشرين سنة الى عدوا
الحمد لله
والله اعلم لما يبقوا 25 ههههههه هافرح او هازعل حسب الى هاعمله فى الخمس سنين الى جايين باذن الله


وميرسى ليكى ياقمر لزيارتك لمدونتى

سلام يا توتى

  Unknown

16 أغسطس 2008 في 6:34 م

الف مليون مبروك يا باشمهندسةوعقبال
ال100 سنه بس يومها هتقولى عندك 22 سنه وبكرة نتقابل
كل سنة وانت طيبة

  ميرو انتكة

17 أغسطس 2008 في 12:48 ص

استاذ حسن

ازى حضرتك
الله يخليك وحضرتك طيب يا رب والله فعلا العمر مش بينقاس بالسن لا بالى عملناه فيه

والحمد لله انا حسيت انى عملت الى عليه والبركة فى حضرتك طبعا حببتنى فى التدوين جدا

تحياتى لحضرتك

  Ahmed Fahmy

20 أغسطس 2008 في 8:58 م

معلش يا ميرو جات متأخرة خالص
كل سنة و انتي طيبة و ان شاء الله تبدأي عقد جديد من حياتك كله انتصارات و افراح و من نجاح لنجاح ان شاء الله
كل سنة و انتي طيبة

  ميرو انتكة

20 أغسطس 2008 في 9:31 م

احمد فهمى

وانت طيب يا رب

الله يخليك ميرسى قوى وميرسى اكتر لزيارتك للمدونة

سلام يا باشمهندس