صاحب صاحبه


اجمل حاجة فى الدنيا انك تلاقى صاحب بجد


بس للاسف اختياره بيبقى صعب قوى يعنى بيبقى السهل الممتنع


ازاى نختار الصاحب الصح ؟

لازم يكون زيك يعنى الاخلاق تقريبا واحدة

والصفات كتير مشتركة

يعنى لما يتكلم تحس انك انت الى بتتكلم


يمكن فيه علاقات كتير قوى ممكن نقابلها فى حياتنا زى (الزماله &القرابة ) بس الصداقة اجملهم فعلا



الصاحب الصح بيتعرف فى وقت الشده بتلاقيه جانبك بيساعدك مش بيهرب منك


ممكن نعيش عمرنا كله ما نلاقيش الصاحب ده بس حقيقى لما بنلاقيه حاجات كتير ممكن تتغير


انا بجد عرفت من المدونة دى اصحاب كتير يمكن ما شفناش بعض بس ميولنا واحدة واهتمامتنا


فعلا يا جماعة اختيار الصاحب الحقيقى اختيار صعب قوى


كل واحد دلوقتى يسال نفسه انا اخترت الصاحب الصح الى بيكون صاحب صاحبه فعلا والا لسة ولو لسة لازم ندور عليه كلنا


ميرو انتكة


22 التعليقات:

  Unknown

20 أغسطس 2008 في 11:44 م

يا واد انت يا ابو اراء بترشق فى الصميم...والله كلامك صح يا ميرو...بس انا متاكدة ان انتيمك حاسة انها لقيت صاحبة عمرها عشان انت بنى ادمة زى الفل والله.....ربنا يكرمك

  عايش... ولكن !!!!

21 أغسطس 2008 في 12:08 ص

عندك حق الصدايقه بتفرق كتيير مع اى شخص مننا
يلا يابخت صاحبتك بيكى ههههه
تحياتى
علاء

  دعاء مواجهات

21 أغسطس 2008 في 4:52 ص

الصحوبية بجد والصداقة حاجة مهمة جدا

وزى ما قولتى لازم يكون فية حاجات مشتركة

اهمها من وجهة نظرى الحالة الاجتماعية والاخلاااق وطريقة التفكير

ليا مقولة شهيرة

( الصحاب اللى بجد هو انا اللى لما ببص ف المراية بشوفوا)

والشخص دة موجود ف حياتى فعلا

تحياتى للبوست الجميل دة

نورتينى.

  ميرو انتكة

21 أغسطس 2008 في 5:06 م

انجى ازيك يا قمر

الله يخليكى يا توتى

انتى الى زى العسل والله وعينك حلوة علشان كده شايفة الناس كلها حلوة

سلامة سلامة يا جميل

  ميرو انتكة

21 أغسطس 2008 في 5:07 م

عايش ولكن

اهلا بيك فى مدونتى وبجد انا مبسوطة ان البوست عجبكم

ربنا يوفقك يا رب

تحياتى

  ميرو انتكة

21 أغسطس 2008 في 5:10 م

دعاء

ازيك يا جميل اخبارك ايه ؟ يا رب تكونى بخير

عندك حق فعلا الصاحب الصح لما يتكلم اكنك بتشوف نفسك بالظبط

ميرسى ليكى يا جميل والحمد لله ان البوست عجبك

سلام يا جميل

  lorca

21 أغسطس 2008 في 5:56 م

برافو مروة البوست جميل
لما قلتى لى انه فيه بوست جديد كنت متأكد من إنه عن الصداقة
بس اجنا مش بايدينا بنختار الصديق
هو قدر
بنمشي في ححياتنا نقابل
وبنلاقي نفسنا مرتاحين مع شخص ومش مرتاحين مع التانى
هو طبعا زي ماقلتى نتيجة لاتفاقكم في الصفات والاخلاق
لكننا برضه مبنختاروش


وبالنسبة لسؤالك الأخير أنا فعلا ليا صاحبي الانتيم اللى بنفهم بعض بدون مانتكلم
تخيلي لدرجة إنه أحيانا نبقى ماشيين مع حد تالت و بيتكلم معاه في س أنا معرفوش
أقوم ضاحك وأقول له انت بتتكلم عن كذا
يقول أه
أقول له طيب ما تفكرش تخبي عنى حاجة لانى بعرفها من غير ماتقول

ربنا يكرمك بصاحبك الانتيم

  ميرو انتكة

22 أغسطس 2008 في 1:59 ص

lorka
ميرسى بجد وكويس انه عجبك يمكن عرفت لانى مش بكتب موضوع الا لو كنت حاسة بيه ونفسى اتكلم عنه وفعلا الايام دى انا اتصدمت فى اصحاب كتير بس الحمد لله

ربنا يخلى لك انتيمك يا رب
سلااااااااااااااااام بيييييس

  عدنان أحمد

22 أغسطس 2008 في 2:11 م

السلام عليكم

ازيك يا ميرو ، يارب تكوني بخير

كلامك صح جدا لأن الإنسان كائن اجتماعي بطبعه
بس المهم فعلا انه يحسن الاختيار

رمضان كريم و كل سنه و انتي طيبه
اللهم بلغنا رمضان

تحياتي ليكي

  Unknown

22 أغسطس 2008 في 3:29 م

الصداقة حلوة بس مش سهل نلاقي حد يكون صدوق ولا سهل نكون أوفياء جدا للصداقة ده يرجع للشخص ذاته
كل ودي

  ميرو انتكة

23 أغسطس 2008 في 12:59 ص

اسير حبيبتى
وعليكم السلام ورحمة الله وبركاته

ازيك يا عدنان اخبارك ايه ؟ انا تمام الحمد لله

ميرسى ليك فعلا المهم الاختيار لازم يبقى صح وعن اقتناع

رمضان كريم وكل سنة وانت طيب

تحياتى ليك

  ميرو انتكة

23 أغسطس 2008 في 1:01 ص

كاتب مصرى

اهلا بيك فى مدونتى وفعلا ما فيش حاجة بتيجى بسهولة حسب الشخصية نفسها

تحياتى ليك ونورت المدونة

  mregypt7

25 أغسطس 2008 في 3:44 ص

السلام عليكم
ايون كده يا واد يا هندس هو ده الكلام يا باشا
الصاحب هو الصاحب
اجمل شىء فى الدنيا ان يكون ليكى اصحاب كتير يحبوكى وتحبيهم بس يكونوا اصحاب بجد
وياريت يكونوا نفس الاخلاق ايون طبعا لو شافوا واحده حلوه وزى القمر لازم يغض البصر ويقول ابتا ابتا وعلى راى المثل
" امشى جنب المتعاص تتعاص "
ههههههههههههههههه
جد بوستك جامد يا هندس
خالص تحياتى بيبو

  ميرو انتكة

25 أغسطس 2008 في 4:03 ص

ازيك يا باشمهندس اخبارك ايه

ميرسى ليك بجد والحمد لله ان البوست عجبك

عندك حق والله فى كلامك الصاحب هو الصاحب فعلا كلامك حكم
هههههههههههه

سلاااااااااام

  غير معرف

28 أغسطس 2008 في 1:43 ص

الصاحب الوفي ثروة لا يعرف قيمتها الا من حرم منه


الصداقة عملة اصلية

التزييف فيها يظهر بسرعة ويكشف

التدوين عرفنا اصحاب كتير بس برضو تعبتنا كتير

  ميرو انتكة

28 أغسطس 2008 في 2:11 ص

afew good men

اهلا بيك فى مدونتى ومتشكرة جدا لرايك

عندك حق فعلا الصداقة عملة اصلية ولازم نحافظ عليها

رمضان كريم

  عروسة ننوسة

29 أغسطس 2008 في 5:50 م

ايه كلام الصحبيه الجامد ده
لا بس بحيكى على اختيار البوست

  ميرو انتكة

29 أغسطس 2008 في 7:12 م

عروسة ننوسة

ازيك عاملة ايه؟

ميرسى يا جميل قوى ربنا يخليكى
انا على فكرة مش بكتب بوست الا لو حصل لى او واجهته

ميرسى ليكى
وكل سنة وانتى طيبة

رمضان كريم

  غير معرف

30 أغسطس 2008 في 2:25 م

جميل.. وعندما تجدين الصاحب بجد..فما الذى تستطعين تقديمه له..ما الذى يجعلك ان أيضا بالنسبه له.. صاحب بجد

  ميرو انتكة

30 أغسطس 2008 في 4:15 م

حامد
ميرسى بجد لزيارتك للمدونة

واكيد عندما نجده لا نتركه ابدا ابدا

لانها بتبقى صداقه العمر

رمضان كريم

تحياتى

  ragabhpl

19 سبتمبر 2008 في 1:58 ص

قال رسول الله صلى الله علية وسلم

ما تحاب اثنان فى الله الا كان احبهما الى الله اشد حباً للاخر
صدق رسول الله صلى الله عليه وسلم




دعواتك

  ميرو انتكة

19 سبتمبر 2008 في 3:20 ص

صدق رسول الله صلى الله عليه وسلم

جزاك الله كل خير ورربنا يوفقك يا رب

ميرسى ليك
تحياتى