انت طيب اذا انت عبيط

يا ترى الطيبة فى الزمن ده سذاجه وضعف

فيه مقطع من اغنية بس معبرة قوى لمحمد محى

بحب الناس ومشكلتى قوى حساس
ودائما طيبيتى تضعفنى فى عيون الناس

فيه مقطع تانى كمان بس لشيرين بتقول فيه

مش كبرياء لكن باصلح كل شىء فيه انكسر
ومن الغباء انك تعيش زى الملاك بين البشر



فعلا الطيبة فى الزمن ده ومع العالم ده ضعف

للاسف بالوم نفسى على الطيبة الى ازيانى وبتضعفنى قصاد الناس

امتى تتعامل مع الناس ببراءة الاطفال وامتى تتعامل معاهم كانك وحش زيك زيهم

يا ترى البنى ادم فى الاصل فيه البراءة والا الظلم

سؤال صعب قوى امتى اتعامل بطبيعتى مع الناس والثقة العمياء وامتى احاذر منهم

* * * انا عرفت الرد لازم احاذر منهم صعب قوى فى الزمن ده اننا نامن لاى انسان لازم نتعامل مع العالم الخارجى بنفس المعاملة علشان نقدر نعيش

انا خلاص اتعلمت الدرس ويا ريت الكل يتعلمه ان الطيبة ضعف وذل وموت

وعلشان نقدر نعيش حاجات كتير لازم تموت


ميرو انتكة

18 التعليقات:

  lorca

22 نوفمبر 2008 في 8:24 ص

برافو على التوبيك يا مروة

انا رأيي إن الطيبة مش ضعف

ناس كتير بيبقوا طيبين وبيتعاملوا بقلوبهم س قويين وحازمين

وفي نفس الوقت ناس تانية كارهة حاقدة مليئة بالغل تجاه الأخرين
لكنهم بلهاء ضعفاء أي حد يقرطسهم
مبيقدروش يعملوا حاجة

في النهاية انتى حد كويس
خليكي على طبيعتك وطيابتك

  ميرو انتكة

23 نوفمبر 2008 في 11:40 ص

lorka

ميرسى يا لوركا على ردك

بس صدقنى الطيبة فى الزمن ده ضعف يمكن لو كنا فى زمن تانى كان الكلام هيتغير اكيد

بس بجد انا بادعى ربنا اننا نعيش كلنا فى حب وسلام وطيبة ومن غير الحقد والكره والكدب


تحياتى

  Kiara

23 نوفمبر 2008 في 4:21 م

لا طبعا

الطيبه راحه

لما بتكون طيب في ناس بتحبك عشانك

الطيبه مش ضعف ولا سذاجه واللي فاكرها كده يبقي هو اللي ضعيف

  عدنان أحمد

24 نوفمبر 2008 في 12:05 م

السلام عليكم

ازيك يا ميرو

واضح ان الحزن بقى هو الغالب على كثير من الناس

بجد احزنتني المقارنه بين اخر بوستين ليكي
من بعد قمة الأمل و التفاؤل
للحزن و الاحساس بالظلم

لكنها ان شاء الله ايام و هتعدي

تحياتي

  ميرو انتكة

24 نوفمبر 2008 في 7:12 م

مولان
نورت المدونة

والله انا كمان كنت مفكرة كده بس للاسف لما بنعيش وبنشوف بنلاقى ان الطيب فى الزمن ده ضعيف قوى والطيبة وحدها مش كفاية علشان تقدر تعيش

وامنية حياتى طبعا ان الناس كلها تبقى طبيبعيه وطيبة


تحياتى

  ميرو انتكة

24 نوفمبر 2008 في 7:14 م

اسير حبيبتى

ازيك يا عدنان

صدقنى والله هى اكيد فترة وهتعدى باذن الله بس كل ما بنعيش وبنقابل ناس فى الدنيا بنلاقى حاجات جديد بنكتشفها

وربنا يهدى الكل يا رب


تحياتى

  أبو العريف

27 نوفمبر 2008 في 9:17 م

دايما كلامك بيجي علي الجرح

لان مشكلتي في الحياه بجد اني طيب
طبعا انا مش بشكر في نفسي لانها احيانا بتبقي عيب كبير جدااا
وخاصة في مجال الهندسه المقاولات يعني لو انت مهندس موقع لازم ما تبقاش طيب علشان تقدر تتعامل مع البشر وحتي لو بتعرف تتعامل مع العمال والصنايعيه برده مديرك بيبقي شايف انك ضعيف حتي لو بتعمل شغل اد اي حد اربع مرات بس لازم تكون مهندس شرير علشان تنجح بس انا بحاول اثبت العكس ولحد الان مش لاقي نتايج لدرجة اني فكرت اسيب شغل الموقع واركز في شغل المكتب مع اني كنت عايز اكتسب الخبرة في الموقع اولا ثم بعد ذلك شغل المكتب يعني ملحوقه

  Unknown

27 نوفمبر 2008 في 9:32 م

لا مش ضعف........ليه ضعف؟؟؟
انت مش ضعيفة انت انسانة كويسة انسانة من جوة بيضا يبقى ليه عبيطة؟؟
لا مش عبيطة

  ميرو انتكة

1 ديسمبر 2008 في 6:54 م

حد مش فاهم حاجة

يا هلا فيك وميرسى بجد

معاك حق فعلا الهندسة بالذات مش عايزة حد ضعيف لازم يبقى انسان قوى علشان يقدر عيش فى الدنيا دى

وربنا يوفقك يا رب


تحياتى

  ميرو انتكة

1 ديسمبر 2008 في 6:56 م

انجى

وحشانى يا قمر بجد قوى قوى قوى قوى

بصى يا انجى عن تجربة بجد الطيب فى الزمن ده الناس بتعتبرة ضعيف يمكن هو مش ضعيف فعلا بس الناس بتعامله كده

بس اكيد الطيبة مطلوبة بس مش على طول اكيد وليها حدود


سلامة سلامة يا جميل

  غير معرف

3 ديسمبر 2008 في 2:02 م

ميرو

عارفه انا لما قريت البوست ده

زادنى عدم ثقة فى الطيبة والثقة

ياما ناس قالتلى خليك وحش زى الناس وأنا منفط وحاطط أمل فى ربنا قبل الناس

مش عاوز لمحة اليأس دى تصيبك وخليكى طيبة

وضعى ثقتك فى الله مش فى الناس وهتلاقى الدنيا حلوة

تحيتى

  ميرو انتكة

3 ديسمبر 2008 في 8:04 م

المحارب المتيم

الحمد لله انا ثقتى فى ربنا مالهاش حدود واكيد الطيبة والبراءة فى المعاملة حاجة كويسة بس صعب تعيش بيها بس مش مستحيل بس اكيد بحدود
وربنا يهدينا كلنا


تحياتى

  Beram ElMasry

7 ديسمبر 2008 في 6:18 م

ميرو انتكة

السلام عليكم ورحمة الله وبركاته
اجمل التهانى بمناسبة عيد الاضحى المبارك اعاده الله عليكم وجميع الاهل بالخير والبركة ، وجعلنا واياكم من الملبين فى العام القادم
والسلام عليكم ورحمة الله

  ميرو انتكة

9 ديسمبر 2008 في 11:34 ص

انت تسال والكمبيوتر يجيب


نورت المدونة بجد


تحياتى

  ميرو انتكة

9 ديسمبر 2008 في 11:35 ص

beram elmasry

كل سنة وحضرتك طيب يا رب وعيد سعيد علينا كلنا


تحياتى

  STORM

13 ديسمبر 2008 في 11:56 م

ستورم يرحب بالجميع

.......... لالا لالا الطيبة مش ضعف والشخص الضعيف ميعلقش ضعفه على شماعة الطيبة بس فعلا لازم التعامل بحذر وبشىء من الوعى مع الناس عموما بس اعتقد الطيبة هى الفطرة بس مش ينفع طيبة فى غابة ..... تخيلى كده ارنب طيب فى غابة .... بيتهيئلى مش هيطلع عليه نهار ...... قد يكون كلامى متناقض بس اجمالا الطيبة ليست ضعف والدليل ان النبى عية الصلاة والسلام وكل الصحابة كانوا طيبين وبرده مش ضعاف ...... تشكرات على طرح الموضوع

  ميرو انتكة

21 ديسمبر 2008 في 12:51 ص

storm

فعلا يا احمد رايك متناقض بس صح يعنى بنبقى عارفين ان الطيبة صح بس اكيد مش فى وقتها وفعلا احسن مثال بتاع الارنب بس حقيقى الطيبة مع الحذر كويسة اما طيبة لوحدها ضعف

سلامة سلامة

  Unknown

7 أبريل 2014 في 12:51 ص

طيبة ضعف بس غصب عننا بنضعف