تاه معنى الرجولة


الكلمة دى كبيرة قوى بس للاسف بنسمعها كتير بس مش بنشوفها غير نادر جدا


يا ترى ليه؟ ظروف الحياة السبب يمكن ......التربية الغلط يجوز ....

امتى نقول على شخص انه راجل بجد ؟ اكيد فيه صفات كتير للشخص ده مثل ( تحمل المسؤلية والمروءةوالشهامة وحسن الخلق &التضحية)

على فكرة مصطلح الرجولة للبشر ككل للرجال والنساء فهى صفة يحبهاالله ورسوله
بس للاسف معنى الرجولة تااااه فى زمننا

دلوقتى الراجل يعنى حب للسيطرة والتحكم والزعامة وفرض الراى و(الصوت العالى) ده اساسى طبعا

الرجال قوامون على النساء ...قوامون على مصالح الاسرة والانفاق والرعاية والتحمل والثبات

وصف الحق تبارك و تعالى عمار بيوت الله بأنهم رجال فِي بُيُوتٍ أَذِنَ اللَّهُ أَن تُرْفَعَ وَيُذْكَرَ فِيهَا اسْمُهُ يُسَبِّحُ لَهُ فِيهَا بِالْغُدُوِّ وَالآصَالِ رِجَالٌ لا تُلْهِيهِمْ تِجَارَةٌ وَلا بَيْعٌ عَن ذِكْرِ اللَّهِ وَإِقَامِ الصَّلاةِ وَإِيتَاء الزَّكَاةِ يَخَافُونَ يَوْمًا تَتَقَلَّبُ فِيهِ الْقُلُوبُ وَالأَبْصَارُ


**الرجولة هى ان تذكر الله دائما فى اعمالك 0
**الرجولة هى العطاء والتضحية0
**الرجولة ان تحترم من حولك وتحترم وجهة نظرهم0
**الرجولة هى ان تسمح بيدك دمعة الم على وجه بائس0

اين امثالهم الان ؟؟؟؟؟

اكيد فيه بس للاسف اعدادهم بتقل يوم بعد يوم للاسف ...........ميرو انتكة

15 التعليقات:

  Nermien Hani

5 فبراير 2009 في 1:05 م

كان ليه في موضوع زي ده مظروح في منتدى بدخل عليه من كام يوم

كان ردي ان الرجالة اتغيروا والستات اتغيروا كل واحد مبقاش عارف دورة ومتلخبط

يعني زمان الراجل كان هو المسؤول عن كل حاجة تقريبا والمرأة كانت محتاجة حمايته
حاليا المرأة دخلت في كل حاجة فبقى في مفهوم عند الرجل انها مبقتش الكائن الضعيف اللي محتاج حماية

يعني الادوار دخلت في بعض محدش بقى عارف هو واقف فين والمفروض يعمل ايه

  ميرو انتكة

5 فبراير 2009 في 4:32 م

نرمو ازيك يا جميل

معاكى حق والله فعلا للاسف الادوار اتبدلت للاسف بس مش معنى كده ان كلامى عمومى لا بالعكس لسة فيه رجالة بجد بس قليلين جدا


سلامة سلامة يا جميل

  عايش... ولكن !!!!

5 فبراير 2009 في 6:04 م

هو فى هجوم ع الرجاله ليه الايام دى
هههههه انا هستخبى اليومين دول

طيب عموما انا رأيي ان الزمن وطبيعة المجتمع اثرت على الاتنين سواء رجاله او ستات
وللأسف محدش بقا فاهم مين فين ليه ؟

  ميرو انتكة

5 فبراير 2009 في 6:25 م

عايش ولكن

هههههههههه مش هجوم ولا حاجة انا قلت ان لسة فيه رجالة بجد... بس للاسف عددهم بيقل كل شوية.. انا حبيت اقول الموضوع ونعرف ايه الاسباب يمكن نقدر نعمل حاجة ...بس فعلا المجتمع بياثر جامد على الاتنين

وبلاش تستخبى طبعا ههههههه


تحياتى

  Eslam Eldosoky

8 فبراير 2009 في 5:35 م

برافو عليكي بصراحه طرحتي موضوع في غاية الأهميه
هي قلة الرجولة الايام دي
والحمد لله أنك فرقتي بين الذكور والرجال
لان ليس كل ذكر رجل
تسلم أيدك
أول مرور ولن يكون الأخير أن شاء الله
تحياتي

  صوت من مصر

8 فبراير 2009 في 6:41 م

للاسف الله يرحمك يا رجوله ؟

  م/ الحسيني لزومي

8 فبراير 2009 في 10:08 م

اقرأ نص اتفاقية منع تهريب السلاح لغزة
وادعوا الله ان يثبت مصر في عدم التوقيع عليها

  ميرو انتكة

8 فبراير 2009 في 10:21 م

حقودى

نورت المدونة بجد ...وميرسى لرايك جدا


تحياتى

  ميرو انتكة

8 فبراير 2009 في 10:24 م

صوت من مصر

مش للدرجة دى ههههههه.... يعنى اكيد لسة فى رجالة بجد بدليل انكم مش عاجبكم الى بيحصل


نورت المدونة

تحياتى

  just me

16 فبراير 2009 في 11:29 ص

والله اللى ينظر لحال الشعب المصرى يحزن على حال الرجال
اصبحنا نرى من الرجال من يرتضى ان تصرف عليه زوجته وان يهرب من مسئولياته

اصبحنا نرى من يستغل المرأة ماديا وبدنيا ونفسيا بشكل مقزز

اصبحنا نرى شباب لا يقوى على حمل مسئولية نفسه

اصبحنا نرى نساءا مسترجله ورجالا " ..." الوضع اتعكس والهوية ضاعت

  ميرو انتكة

18 فبراير 2009 في 2:17 م

معاك حق والله يا خالد

بس والله طول ما فيه شباب عايزة التغيير كده ومش عاجبها الوضع ده اكيد الوضع هيتغير باذن الله.....بس قول يا رب


تحياتى

  دعاء مواجهات

19 فبراير 2009 في 7:00 م

دا مش بس يوم بعد يوم دا لحظة بعد لحظة

ع راى اللى بيقولوا كان عندنا رجالة وماتوا ف الحرب اهو دا اللى حصل بالظبط

كلامك جامد ياقمر وحشاانى اوى

بيس

  غير معرف

22 فبراير 2009 في 8:14 م

السلام عليكم

جميل ولكن هل يسمعون

للاسف ايقاع الحياة السريع ومشاكلها مع الانحلال الاخلاقى الناتج عن سوء التربيه بالاضافة للابتعاد الكبير بينا وبين تعاليم الاسلام كانت اسباب فى غياب مصطلح الرجولة من قواميس المجتمع المصرى
تحيتى وتقديرى

  ميرو انتكة

22 فبراير 2009 في 9:22 م

دودى ازيك يا قمر

هههههههههه ماتوا فى الحرب ...يمكن فعلا


انتى الى وحشاااانى والله يا جميل


سلامة سلامة

  ميرو انتكة

22 فبراير 2009 في 9:23 م

المحارب المتيم

معاك حق والله فعلا

تحياتى