عيب والا حرام ................


يا ترى كل عيب حرام ...وكل حرام عيب ..؟


ايه الفرق بين العيب والحرام ؟


انا فى رايى ان العيب هو اى فعل بيزعل الناس ........, والحرام هو الى بيزعل ربنا .


للاسف احنا دلوقتى بنخلط جامد بين العيب والحرام .


بمعنى ان بسبب عادات وتقاليد متخلفة بقينا بنخلط العيب بالحرام ...ده بسبب ايه ؟...الخوف من المجتمع مثلا والا قله معرفة......


ابسط مثال ان مش كل عيب حرام .....فى الايتيكيت مثلا ومعاملة الغير كتير ممكن تبقى عيب بس اكيد ربنا مش حرمها


دلوقتى للاسف اى فعل بيصدر من البنت ولو بسيط لازم يتقالها ده عيب وده حرام ...استحالة نقدر نرضى الناس كلها ، ولو حاولنا هنتعب قوى وللاسف من غير فايدة


الى بيعامل بيعامل ربنا اولا مش الناس يعنى اكيد كل حرام عيب بس مش كل عيب عند ربنا حرام


لو البنت طالبت بحقها دلوقتى فى وسط اسرتها على الاقل بيتقالها ده عيب مع ان اخوها مثلا واخد حقوق كتير قوى وهى عند ربنا حرام فعلا بس للاسف مش بيقولوا له ده عيب


بمعنى ان الولد ممكن يعمل حاجات كتير قوى حرام عند ربنا ومش عيب عند الناس...بعكس البنت مثلا ابسط حقوقها انها تقول رايها ممكن يكون عيب عند الناس بس عند ربنا اكيد مش حرام


يعنى انا دلوقتى لما اكتب مواضييع بحس بيها فى المدونة وباقول رايى بجزء من الحرية عند ناس معينة ان ده عيب ...بس اكيد وده المهم انه عند ربنا مش حرام


الخلط بين العيب والحرام بقى طبيعى قوى فى مفاهييم كتير مننا ودى مشكلة كبيرة قوى ولازم نشوف لها حل ............ميرو انتكة

21 التعليقات:

  غير معرف

17 أبريل 2009 في 12:17 م

جميل يا ميرو
بس عارفه الي بتنفذ كلام ربنا بالظبط مش هتلاقي حد ينتقضها ولا يقولها عيب سبحان الله اسلامنا فعلا يحمينا من كلام اي حد ويبعدنا عن كل حرام الي هو عيب برده .
انا معاكي المجتمع ليه برده تحكمات بس اكيد لها وقت وتنتهي واكيد برده مش هتبقا مؤثره عند الناس كلها والاهم ان الي يهتم بدينه هينسي كل الظلم الي في الدنيا وحب ربنا هيغنيه عن ظلم الناس

  STORM

17 أبريل 2009 في 6:27 م

ستورم يرحب بالجميع

...... لا استطيع الجزم فى هذا الحوار .... ولكن من يجعله همه هو دينه واخرته مش هيتعرض لاى نقد بالعيب او خلافه ولو حصل مش هتبقى فارقة معاه ... والزمن اللى احنا فيه صعب جدا والشاطر اللى يحافظ ويتمسك بدينه لان ده اللى هيعدى ..... ومش معقول هيبقى فيه عيب ما الاسلام محرمهوش .... طالما الحاجة عيب او غلط او سلوك مش مضبوط اكيد الاسلام حرمه ..... هو يعنى اية اصلا كلمة عيب .... اعتقد ما هى الا تحريف وتخفيف وتبسيط لكلمة حرام لان كلمة حرام شديدة توحى انه حاجة جامدة سرقة , زنا , رشوة , شهادة زور .... وخلافه ,,, لكن مثلا لما الصغير يتكلم والكبير بيتكلم هنا نقوله عيب مش حرام مع ان الاسلام نوه عن كده فى القران والسنة وطالما خالفت القران والسنة يبقى حرام .....

......... عظيم عظيم ..........

  lorca

17 أبريل 2009 في 8:45 م

الحلال بين والحرام بين
فدائرة الحرام دائرة محددة وواضحة
اما العب فهي دائرة من صنع المجتمع تضيق وتتسع فوقا لمتغيرات كثير تختلف من زمان لاخر ومن مجتمع لاخر.
ويجب دائما وضع الدائرتين محط الانظار في كل تصرفاتنا.لكن بما يتعلق بالمطالبة بالحقوق فانما دخل دائرة العيب جهلا اتمنى ان يعيد المجتمع ترتيب الاوراق بمايتعلق بتلك الامور.
جميل يامروة الموضوع كماهي عادتك.

  ميرو انتكة

18 أبريل 2009 في 12:20 ص

رغده...ميرسى يا جميل قوى على ردك

معاكى حق طبعا وربنا يبعدنا عن ظلم الناس


تحياتى ....

  ميرو انتكة

18 أبريل 2009 في 12:26 ص

storm

تعرف يا احمد المشكلة ان امتى نقول ان ما فيش عيب الاسلام ما حرموش ...فيه ناس كتير بتقول كلمة عيب دى لاتفه الاسباب فى الحالة دى فعلا مش كل كلمة عيب يعنى حرام ..يعنى الناس مش زى بعضها اكيد

تحياتى

  ميرو انتكة

18 أبريل 2009 في 12:28 ص

lorka

اكيد انا معاك ان الحلال بين والحرام بين بس زى ما قلت قبل كده فعلا للاسف كلمة عيب دى بقت على لسان كل الناس دلوقتى على اسباب صغيرة قوى


تحياتى

  shoshta_ joker

20 أبريل 2009 في 9:37 ص

السلام عليكم........
اول مرة اعلق عندك بس مش اخر مرة ان شاء الله........الموضوع الى بتتكلمى عنه فى البوست لفت انتباهى كتير فى عادات وتقاليد مجتمعنا المتخلف .........سبحان الله اكنهم بيخدوا من الدين الى يعجبهم ويحرموه لاشخاص معينين والى مش عجبهم ميبقاش حرام لازم نغير معتقداتنا دى ملناش دعوة بالمعتقدات الخاطئة نفصل فى افعلانا بين الحرام والغلط.........تحياتى .......دومتى بخير ..... shemo

  ميرو انتكة

20 أبريل 2009 في 10:47 ص

shemo

نورتى المدونة يا جميل وميرسى قوى على ردك


تحياتى

  Hossam Alnemr- MBA,CPM

24 أبريل 2009 في 2:53 م

فعلا فى خلط بين الحرام والعيب ,وبشكل عام فى خلط بين العادات والتقاليد وبين احكام الشريعة. فعلى سبيل المثال :-
- يعنى لو واحدة مثلا اتجوزت من غير مهر ولا شبكه (مثلا يعنى) دا عند الناس أو فى عرف المجتمع عيييييييييييييييييييب طبعا هى وحشة ولا أهههههه ولا أكيد الموضوع فيه انههههههههههههه وتبدأ حكايات طنط حشرية ومدام زوزو , فى حين انه فى حكم الشرع مش عيب طبعا بل بالعكس فسيدة نساء أهل الجنة وبنت سيد المرسلين وأشرف وأطهر أهل الارض السيدة فاطمة كان مهرها درع حديد يعنى حتى مش ذهب ولا فضه .
- أو مثلا لو بنت ربنا كرمها بعد عمرا طويل وأتخطبت ورفضت انها تخرج مع البيه خطيبها لوحدهم ,اكيد المجتمع هيقول ان البنت دى مكلكعة ومعقدة واحتمال مريضة نفسيا فى حين انها فى حكم الحلال والحرام هى الصح لان الخطوبة مش أكتر من وعد بالزواج بالتالى البيه خطيبها فى حكم الشرع هو لسه غريب عنها , .... وغيره وغيره من النماذج والامثله
ودا مش معناه أن العادات والتقاليد لا تحترم بل بالعكس بشرط عدم مخالفتها للشرع فلو خلفت يقدم الشرع (الحلال والحرام) عن اى شىء أخر
بس السؤال المهم هل احنا مستعدين للالتزام بالحلال والحرام؟؟؟؟؟؟؟

  ميرو انتكة

24 أبريل 2009 في 10:36 م

لالالالالالالالا حسام باشا مرة واحدة دخل مدونتى اخيرا ...والله نورت يا حبيبى هههههههههههه

كله يجرى بسرعه حسام باشا (اخوية) اخيرا من اول موضوع على مدونتى دخل ورد والله انت مستاهل زغروطة يا سمسم لولولوولوى هههههههههههههههههه


ربنا يوفقك يا رب فى شغلك ومدونتك كمان يا باشا


thanks my brother hossam

  غير معرف

2 مايو 2009 في 10:36 م

السلام عليكم

ازيك يا ميرو

والله انا شايف ان البنت لازم تكون قوية ولازم تطالب بحقوقها وتمارسها كمان طالما انها مش حرام حتى لو كانت عند المجتمع عيب

يعنى لو معملتوش كدة مستنين مين يجيب لكو حقكو

لازم البنت تتكلم وتمارس حريتها علشان تفرض على المجتمع القبول بيها

ده رأيى

غير كدة انا بوفقك فى كون مش كل عيب حرام وفى كون المجتمع جاهل وبيخاف الناس علشان كدة عمم العيب والحرام وخلطهم ببعض

تحيتى

  ميرو انتكة

3 مايو 2009 في 12:03 ص

عرفة فاروق

وعليكم السلام

ازيك يا عرفة؟

بجد انا باحييك على رايك ده وفعلا احترمت رايك جدا ويا ريت الكل يكونوا رايهم زيك كده


تحياتى

  ♥نبع الغرام♥♪≈

3 مايو 2009 في 8:38 م

السلام عليكم ورحمة الله وبركاته
أزيك يا حبيبتى
تحياتى لكى من كل قلبى
وسعيده قووى بيكى لمرورك الكريك وان شاء الله يبقا التواصل بيننا
دمتى بألف خير
والبوست جميل قووى ربنا يوفقك يا حياتى
اه هعمل بوست انهارده جديده أدعكوى لزيارته
تحياتى
أختك إيناس

  ميرو انتكة

3 مايو 2009 في 9:30 م

عاشقة الاحزان

وعليكم السلام ورحمة الله

نورتى المدونة والله يا جميل

اكيد هاشوف البوست الجديد باذن الله


تحياتى

  koketa

4 مايو 2009 في 2:19 ص

صح يا ميرو عندك حق
احنا بقينا بنصف العيب والحرام على مزاجنا
مع اننا ممكن نخلط بين الاتنين لكن المشكلة دى
مشكلة عادات وتقاليد فرضها علينا المجتمع وكل يوم بتزيد انا مش بقول نخرج عن العادات والتقاليد لكن بردو احنا لازم يكون عندنا تفرقة بين فكرة العيب والحرام

  شاب كــ طخين ـــــا

4 مايو 2009 في 11:23 ص

معاكى حق فه فرق كبير اوى بين العيب والحرام
بس الأسلام مثلا لما نزل للناس احترم التقاليد والأعراف الموجوده طبعا مش كلها
بس على الأقل الأعراف الابتمس الناس اوى وخصوصياتهم والحاجات دى

زى ما قولتى فى البوست فيه فرق كبير بين العيب والحرام بس من الذكاء انك متخطبيش دماغك فى الحيط زى ما بيتقال
ممكن تحاولى تقنعى الاقدامك بحقك واكيد لو حد فاهم كويس هيقتنع

وكمان عجبنى اوى لما قولتى مفيش حد هيقدر يرضى كل الناس وده صح جدا
ومش مطلوب مننا كمان اننا نرضى كل الناس المهم اننا بنعامل ربنا يبقى ان شاء الله ربنا هيكرمنا

بوست جميل ومدونه أجمل تسلم ايدك

  ادم المصرى

4 مايو 2009 في 5:57 م

السلام عليكم

شرفنى زيارت مدونتكم

ومرسى على قدومك لمدونتى والتعليق

اولا احب أروى قصه صغير للحسن والحسين عليهم السلام

كان سيدنا الحسن يتوضأ هوا والحسين عليهم السلام فكان رجل كبير فى السن يتوضأ فى جوارهم فكان يتوضأ خطأ فكانو يريدون ان يخبروه بخطأه ولكن عشان انو كبير فى السن كانو خيين يحرجو فعملو حركه جميله جدا وسبحان الله كانو قمه فى الاخلاق والادب والدين والايمان .

استشهدو الرجل وقال يا شيخ نريد ان نستشهدك فى شيئ قال ماذا قالو نريدك ان تحكم بيننا من يتوضأ خطأ ومن يتوضأ صواب فتوضأو الاثنين فقال والله انتم الصواب وانا الى كنت على خطأ

يعنى شوفو وصلو المعلومه اذاى ليه وخافو على مشاعرو ولا هوا حرام ولا هوا عيب وانما اداب الدين تحكم عليهم ذالك

وبجد اسف على التطويل

  ميرو انتكة

4 مايو 2009 في 8:33 م

koketa

نورتى المدونة والله يا جميل وميرسى لرايك قوى

تحياتى

  ميرو انتكة

4 مايو 2009 في 8:35 م

امبارح كان عمرى عشرين

ميرسى على رايك الجميل قوى ونورت المدونة

تحياتى

  ميرو انتكة

4 مايو 2009 في 8:36 م

ادم المصرى

جزاك الله كل خير ويا ريت تطول على طول فى المدونة ولا يهمك بالعكس والله رايك افادنى جدا ويا رب المدونة تعجبكم على طول


تحياتى

  حماده زيدان

19 مايو 2009 في 4:49 م

ufيفتح باب بيت المدونين ذراعيه لكل الموهبين في :
1/ القصة القصيرة
2/ الشعر بشتى أنواعه
3/ الرواية "رواية سنوية سنقوم بنشرها في الجريدة"
4/ المقال الصحفي
إذا وجدت في نفسك القدرة على المشاركة أرجوا التواصل معي على الميل التالي
arabicsabah@yahoo.com
شروط المسابقة
1/ ..............................
2/ .............................
3/ ..............................
لا يوجد شروط الشرط الوحيد هو العمل الجيد , والعمل المحترم البعيد عن الإسفاف
المقالات أرجوا أن تكون تخص الانسان العربي , تاريخه , عاداته وتقاليده , مقالات إجتماعية وثقافية ....
أرجوا التفاعل معنا في الجروب على العنوان التالي
http://www.facebook.com/group.php?gid=45202724108#/group.php?gid=78080770039