جاهز للمقابلة؟؟؟


انا كنت ناوية اقف عن التدويين فى فترة الامتحانات بس حقيقى ما قدرتش لان المدونة دى حياتى بعيدا عن جو الدراسة والحياة بس هى اهم حاجة عندى بجد.


احداث كتير حصلت وكان لازم اقول رايى فيها زى وفاة محمد علاء الله يرحمه ويصبر امه يارب.


فكرت كتير قوى وسالت نفسى كذا سؤال ...


انا لا قدر الله لو اتحطيت فى موقف زى ده هاتاثر ازاى؟ ورد فعلى هيبقى ازاى ؟ اكيد خفت فى الاول بس فكرت وقلت ليه ازعل اكيد ربنا لما بياخد شخص يعنى بيحبه وهو دلوقتى مع ربنا فى حياه جميلة اكيد اجمل بكتير قوى من الدنيا دى.


بس فى الاول لازم نكون مستعديين للحظة دى لحظة الموت....يا ترى انت او انتى مستعدة للحظة دى



اكيد سؤال صعب ممكن نكون كلنا مش عارفيين اجابته واننا فعلا مستعديين للمقابلة دى والا لا....لو عندنا مقابلة فى مادة ما مثلا فى الكلية اكيد بنكون مستعديين ومحضريين كل الى مطلوب مننا فيها ...اومال ده بقى ربنا مش دكتور مخلوق زيه زيك.....مش هتكون جاهز للقاء الجميل ده .



اكيد كلنا بنحاول بس بنسى بسرعه عادى دى غريزة فى الانسان بس بنرجع نفتكر لو حصلت حاجة جديدة بتفكرنا وبرده بنرجع ننسى تانى



انا شخصيا ولغاية دلوقتى مش باحاول افكر كتير فى الموت يعنى لو ليه نصيب هاموت دلوقتى وانا باكتب هاموت بس الاهم من كده انى اكون مستعده للمقابلة دى صح ومحضرة كل اعمالى طول العمر ........ربنا يهدينا كلنا للطريق الصح ..................


اللهم اني اسالك رحمة من عندك تهدي بها قلبي وتجمع بها شملي وترد بها الفتن عني وتصلح بها ديني وتحفظ بها غائبي وترفع بها شاهدي وتزكي بها عملي وتبيض بها وجهي وتلهمني بها رشدي وتعصمني بها من كل سوء.........................ميرو انتكة

13 التعليقات:

  ♥نبع الغرام♥♪≈

26 مايو 2009 في 11:20 م

السلام عليكم ورحمة الله وبركاته


ميرو او مروه

وحشتينى كتير والله

نورتى المدونه

يارب تكونى بألف خير

بجد البوست جميل قووى يامروه

ربنا يجعله بميزان حسانتك يارب

بِاسْـمِكَ اللّهُـمَّ أَمـوتُ وَأَحْـيا


جزاكي الله خير وبارك الله فييكي

وأسأل الله عز وجل ان يهدينا ويهدي امة محمد

فعلا الدنيا سااعة فاجعلها طاعة

امين اللهم امين امين
اللهم هون علينا سكرات الموت وما بعد الموت وما هو اشد واعظم من الموت 00اللهم واجرنا من حر يوم المحشر،ومن سؤال
منكر ونكير00ومن شدة الشهيق والزفير00ومن هول البعث والحساب00ومن يوم ان نخرج من الاجداث ينسلون
ومن العطش والحرالشديد واظلنا بظلك يوم لا ظلك الا ظلك00وهون علينا وحشة القبر 00وضمة اللحد00وثبتنا عند السؤال
ياااااااااااااااااااااااااااااااااااااارب العالمييييييييييييييييييييييييييييييييييييييي ييين

  STORM

27 مايو 2009 في 1:21 ص

انتى لحقتى .....

عموما لازم على كل واحد يستعد جيدا للموت فى اى لحظة .... واختلف معكى لازم الواحد يكون دايما فاكر انه هيموت هيموت ..... وان ربنا لم بيخد حد عنده يبقى اكيد بيحبه وهتبقى الحياة جميلة ..... مكنش حد غلب .... بتتوقف على طبيعة عمل الشخص ومدى تقواه وصلاحه مع الله ..... اللهم احسن خواتيمنا وثبتنا على الايمان واستعملنا ولا تستبدلنا .... وعن تعريف التقوى

..... التقوى هى الخوف من الجليل والعمل بالتنزيل والرضا بالقليل والاستعداد ليوم الرحيل .... ربنا يستر

  ادم المصرى

28 مايو 2009 في 2:27 ص

أزال المؤلف هذا التعليق.
  شمس النهار

29 مايو 2009 في 12:43 م

بالنسبه للتدوين مااعتقدش ان اللي بيحب التدوين وبيحب مدونته يقدر يبعد عنها
اعتقد ان مدونتي حته مني
هي نشرة اخبار مشاعري وترمومتر حالتي النفسيه

اما موضوع البوست
كلامك صح
المشكله اننا نعرف الحقيقه دي كلها
والغريب اننا مابنعملش حاجه نؤمن بيها عليها

  ميرو انتكة

29 مايو 2009 في 11:24 م

عاشقة الاحزان

وعليكم السلام ورحمة الله يا جميل

ميرسى ربنا يخليكى والله انتى الى كلك ذوق فعلا


امين يا رب العالمين

تحياتى

  ميرو انتكة

29 مايو 2009 في 11:27 م

storm

اكيد بنفكر فى الموت بس بنفتكره فى اعمالنا يعنى لما بنعمل حاجة بنفتكر الموت ونشوفها صح والا غلط ده قصدى بس انما هنفضل طول ما احنا عايشين ومش بنعمل اى حاجة سرحانيين مثلا فى الدنيا
.....

يعنى بنفتكره فى اعملنا وتصرفاتنا


تحياتى

  ميرو انتكة

29 مايو 2009 في 11:29 م

ادم المصرى

ميرسى ربنا يخليك


تحياتى

  ميرو انتكة

29 مايو 2009 في 11:31 م

شمس النهار

اكيد والله بس الامتحانات فعلا بتضييع وقت كبير ومده كبيرة قبلها وبعدها على ما نفوق منها

نورتى المدونة

تحياتى

  فراشة

2 يونيو 2009 في 9:04 م

كتير بنقول ان احنا مستعدين بس يا ترى بالكلام هو ده الخوف
ان احنا نكون بنعتقد اننا قد اللحظة دى وقد الموت

عشان كده لابد ان نكثر من دعاء اللهم انى اسالك حسن الخاتمة

ربنا يكرمك يا ميرو على هذه التذكرة

  فراشة

3 يونيو 2009 في 1:48 ص

يا جماعة مدوناتنا كلنا مسروقة
واحنا قاعدين مش حاسين بحاجه
لازم يكون لينا موقف
بصراحه صديقتنا طفلة صاحبة مدونة
احساس طفلة محبة للرومانسية بس عاطفية
هى اللى نبهتنى لده
بشكرها جدا
كلنا نعمل اى حاجه ونبلغ بعض

  ميرو انتكة

3 يونيو 2009 في 3:43 م

فراشة

ازيك يا جميل

فعلا معاكى حق المهم فعلا اننا لازم كل شوية نفتكر ومش بالكلام بس

فعلا المدونات بتتسرق؟؟؟ ازاى ولو كده يبقى لازم يكون لينا تحصين للحكاية دى


تحياتى

  فراشة

3 يونيو 2009 في 9:05 م

والله من غيرتى على كل واحد فيكم وعلى كل كلمة كتبتوها حسيت انى حتجنن لازم ابلغم

بيخدوا كوبى من كل حاجه بنعملها ويا اما بيعملوا مدونة باسمهم او على المنتديات

كلنا نعمل اى حاجه ونبلغ بعض

ياريت كل واحد عنده طريقه نمنع بيها ده نحاول نساعد بعض
حكتبلك اللينكات بس دى مجرد امثلة للى حصل معايا او مع صديقتنا وردة يعنى مش هم دول بس لأ فى كتير جدا

http://love-radwan.blogspot.com/2009/05/blog-post_23.html

واللينك ده http://www.fremuzic.com/vb/t1159.htm

  ميرو انتكة

3 يونيو 2009 في 10:54 م

انا كنت دخلت على مدونة من زمان كانت فيها حاجة زى حماية
ده حتى الصور الى كانت منزلاها على المدونة مش كان ينفع انك تاخديها كوبى كمان بس عجبتنى قوى الفكرة ..بس للاسف مش فكراها قوى بس اكيد فيه حل


تحياتى ليكى يا جميل ولاهتمامك