اخبار..اهرام ..جمهورية


بسم الله


اول خبر عندى

طبعا كلنا سمعنا عن الرئيس اوباما وزيارته لمصر وطبعا الشعب المصرى كله فرحان ومتفاؤل .......انا بقى لا.


اولا عندى احساس ان اوباما ده اما زكى جدا وعرف ازاى يكسب العرب ودخل لهم من ناحية الدين ولانه عارف ان العرب كلهم بيصدقوا بسرعه او عايزين يصدقوا ويبقى كده قدر يكسب حاجات كتير بكل بساطة وفتح لنفسه كتير قوى من غير اى تعب.


او يمكن يكون كلامه ده مظبوط ونفسه يغير البلد دى بس فى الحالة دى ما اعتقدش انه هيكمل اما هيتقتل وطبعا اعداءه فى الحالة دى كتير او مش هيطول فى الرئاسة........


ده رايى انا اكيد فيه كتير قوى مختلفيين معايا فى رايى بس فى الاخر اكيد الله اعلم وبلاش تشاؤم طبعا .



ثانى خبر بقى عندى اختبارات الغباء:-


طبعا كلنا بنشوف ونتابع اختبارات الغباء الى بتكتر ما شاء الله كل يوم المفتش كرومبو وسرحان ونفيسة وكتير قوى كلها بجد بتزود الغباء للاسف مش زكاء ابدا كفاية انها بتخدع كتير قوى وبتححسهم انهم لما يجاوبوا صح يبقى كده ازكيه طبعا بلاشك ..................بجد اساله ساذجة لدرجة ان اى طفل ممكن يسخر منها اومال احنا بقى ..............


دول حاجتين كانوا جوايا وحبيت اقولهم يمكن نرجع نفكر تانى وماناخدش الامور بسلبية .


ربنا يوفقنا كلنا فى الامتحانات ياااااااااارب ......ميرو انتكة.

15 التعليقات:

  STORM

5 يونيو 2009 في 4:43 م

ده او تعليق ليا بعد الاستيل الجديد

انا بالنسبة لى كان الامر عادى ولم اوليه أى اهتمام كانه حدث عادى .... زيارة رئيس امريكى لمصر ..... لكن بعد اللى شفته من انطباعات الاعلام .... كان ناقص ينزلوا يصلوا ركعتين لاوباما ومعاها اتنين لهيلارى كيلنتون ..... ولكن ده حالنا ,, نتعلق بحبال الهواء فمكنش شىء خارج التوقع ان الانطباع هيبقى كده .. لسبب بسيط اننا ولا شىء , وحين يأتى سيد القوم .. طبيعى يبقى الحال كده .... بس كلامه كان موزون ... شهادات كتير لمصر وللاسلام ... عشان ميجيش كلب بعد كده منهم يفتح بقه .... بس اوباما او غيره .. فى سياسة موضوعة وهو بينفذها بس الوسيلةاو الطريقة هى اللى بتختلف .... وبالنسبة لكلامه اعتقد هينفذه او هيحاول ينفذه والافعال ابلغ من الاقوال ... دلوقتى نشوف هينفذ حاجة ولا كلام بس .... والله اعلم

.... وبالنسبة لاسئلة النصب ... فما هى الا وسيلة للتكسب ليس اكثر ... ثم انا عاوز افهم هو اية مفهوم الذكاء بالنسبة للحاجات اللى بتتقدم .... ماهو الا تلاعب لفظى ... تلاعب بالالفاظ والاشكال تحت مسمى الذكاء ... هذا استخفاف ... ومين اللى سمح للكلام ده وصدقه ... ما الشعب التافه هو اللى عمله ضجة وطلعه السما .... ربنا يستر ويوفق ان شاء الله

  ميرو انتكة

5 يونيو 2009 في 5:02 م

storm

ميرسى يا احمد على ردك ومعاك حق فعلا احنا مستنيين الافعال والله اعلم طبعا بالنوايا


تحياتى

  ♥نبع الغرام♥♪≈

5 يونيو 2009 في 11:03 م

السلام عليكم

ميرو مبروك النيو لوك الجديد هايل وتحفه


بجد المدونه كلها عسل زى صحبتها


بس بجد تعرفى اوباما قدر يختف قلوب الشعب المصرى
يعنى عندنا فى المنصوره كلهم بيقولو عليه كويس ومبسوطين منه

هنقول ايه بس
ياما فى الجراب يا حاوى

ههههههههههههه

تحياتى

انوسه

  ادم المصرى

6 يونيو 2009 في 12:40 ص

اول انا بشكرك انك سئلتى عنى

ثانيا

بهنيكى على النيولك الجديد

جميل جدا واكيد حاجه ذى دى مش بعيدا عنك

رومانسيه من يومك

اما اوباما

فهو العالم الاسلامى افتكرو الامام الشافعى

ههههههههههههههههههههههههههه

شيئ غريب نسيو القرأن الكريم

لن ترضى عنك اليهود ولا النصارا حتى تتبع ملتهم

  ميرو انتكة

7 يونيو 2009 في 1:02 ص

عاشقة الاحزان

ربنا يخليكى يا حبيبتى والله انتى الى كلك ذوق

فعلا والله هو اختار اطيب شعب وبدء بيه .....ربنا يستر علينا وعلى كل العرب وفعلا والله يا ما فى الجراب يا حاوى ههههههههههههه

تحياتى يا قمر سلام

  ميرو انتكة

7 يونيو 2009 في 1:07 ص

ادم المصرى

انا الى ميرسى على النيو لوووك الجامد ده بجد...ميرسى ربنا يخليك

معاك حق فعلا للاسف ...عارف الى بيبقى متعلق بقشة علشان ما يغرقش احنا كده بنتعلق باى كلام حلو وبنقنع نفسنا باى طريقة علشان نصدقه حتى لو من جوانا مش مصدقيين


تحياتى...سلام

  just me

7 يونيو 2009 في 2:31 م

أزال المؤلف هذا التعليق.
  just me

7 يونيو 2009 في 2:39 م

السلام عليكم ورحمة الله وبركاته

اولا بخصوص اوباما انا متفائل جدا جدا بخطابه واذا تذكرتى سوف تجدى ان اوباما يعتبر اول من حاول ان يتقرب الى العرب والمسلمين بهذا الشكل بداية من اول توليه الحكم وتقبيله ليد ملك السعودية والكل لاحظ انه يتبع نفس الاسلوب الودود البعيد عن الغطرسة مع كل الدول بما فيهم ايران وكوريا الشمالية
واعتقد لو ان الموضوع فيه دجل سياسى وزيادة شعبية لكان الاولى له ان يغازل اليهود كما فعل السابقون لانهم هم القادرون على المحافظة على كورسيه وليس العرب الذين غير قادرين على افادته فيه انتخابات الرئاسة ولا يمثلون اى ورقة ضغط باى شكل من الاشكال ولكنه بذلك فتح على نفسه حربا ندعوا الله ان يحميه منها ومنهم
ولا اعتقد انه فعل ذلك الا من باب قناعة شخصية وسياسة مؤمن بها

ومع احترامى لكل من يعتبر ان الاعجاب بخطاب اوباما نوع من الوهن والخنوع لكن اذكركم بان الملك النجاشى " ملك الحبشة المسيحى " افاد المسلمين الاوائل برجاحة عقلة وعدالته

واعتقد ان هذه هى مشكلتنا الرئيسية , نشكوا من تعاطف دول العالم مع اسرائيل والدعم الذى يقدم لهم وعندما يظهر شخص يتعاطف مع قضيتنا ويقدم لنا يدا للمساعدة بدلا من ان نستثمر ذلك نظل نتسفسط فى اننا لا نحتاج الى ذلك التعاطف او تلك المساعدة فى حين اننا غير قادرين على ايصال وجهة نظرنا والتعريف بثقافتنا وديننا لابناء الثقافات الاخرى ودائما اصواتنا لاتسمعها الا اذاننا

  ميرو انتكة

8 يونيو 2009 في 3:04 م

we are not terrorists

والله يا خالد كلنا نتمنى كده اكيد ...بس فعلا الله اعلم بالنوايا


تحياتى

  شمس النهار

9 يونيو 2009 في 3:32 م

بالنسبه للريس اوباما انا معاكي في كلامك
بس بجد هو كان خطاب فيه العصا والجزره
الراجل جاي يهددنا ياناس

اما موضوع اختبار الخيابه بتاعت التي في
مش هقول ان الهيافه ليها ناسه برضه
:)

  ميرو انتكة

11 يونيو 2009 في 3:11 م

شمس النهار

فعلا والله معاكى حق ربنا يستر

نورتى المدونة يا جميل

تحياتى

  عدنان أحمد

15 يونيو 2009 في 8:45 م

السلام عليكم

ازيك يا مروة ايه اخبارك و اخبار امتحاناتك ؟ .. يارب خير ان شاء الله

بالنسبة لموضوع اوباما التغيير لااااازم يبدأ مكن الداخل
دة رئيس اكبر دولة في العالم يعني عنده حاجات كتير اوي تشغل وقته اهم مننا
و لا شك ان خطابه كان ذكي جدا

العرب بقوا مستنيين اي حد يجيب لهم حقوقهم المسلوبة اللي هما للأسف مش عارفين يجيبوها

بالنسبة للموضوع التاني ده مش بيرفع نسبة الغباء و بس
لا ده كمان بيرفع الضغط

  ميرو انتكة

15 يونيو 2009 في 10:08 م

عدنان احمد
ازيك يا عدنان فينك من زمان يارب تكون بخير

ميرسى قوى على ردك وفعلا المسابقات دى بترفع الضغط على رايك لا والمشكلة انها كل يوم بتيجى حاجة جديدة


تحياتى

  Anas Alaa

17 يونيو 2009 في 4:38 ص

ربنا يوفقك , مدونة جميلة
بالنسبة لموضوع أوباما فلا جديد بالنسبة للسياسة الأمريكية إلا اللهم تغيرات طفيفة , و الزمن هو الحكم

  ميرو انتكة

18 يونيو 2009 في 4:25 م

anas3laa

نورت المدونة يا باشمهندس ميرسى على رايك وفعلا الزمن هو الى الحاكم فى كلامهم

تحياتى