يا حبيبتى يا مصر..يا مصر

من مدة اتكلمت عن الحلم القاتل بس كان حلم انما دلوقتى بقى حقيقة .......

الرياضة مش مكسب وخسارة لالا الرياضة قبل كل ده اخلاق .






بمتابعتى لاستاذ ابراهيم حجازى من بداية الماتش لغاية دلوقتى ، انسان بيحب مصر قوى وبيخاف على كل روح مصرية موجودة فى السودان وعلى كل حقوقنا وبيخاف على اسم مصر وكرامتها .




بس فى رأيكم كده ايه الى وصلنا لكل ده يا ترى ؟؟؟
------علشان اختيارنا للسودان كان على أساس غلط !!
------- علشان طيبتنا او بالاصح سذاجتنا !!!
------- والا الموضوع سياسى على كبير قوى ومترتب ومنظم .......!!
--------والا الاعلام السبب بداية من الاعلام الجزائرى ........!
--------والا لاختيارنا الخاطىء لسفراء بلادنا فى الخارج ......!


اتعلموا منهم .....


والغريب فى الموضوع صمت حكومة الجزائر لكل الى حصل لا ومش كده وبس ده غير الى حصل للمصريين فى الجزائر .


مش عارفه ليه الغل ده كله يطلع كل مرة ،ما لوعلى الكورة عرفنا مين ابطال القارة

بتعاملنى فجأة كأنى عدوك الصهيونى تحرق علمي تشتم امي ولونك هو لونى................






فجاة نسيوا جميلة بو حريد وازاى مصر ساعدتهم ايام الثورة !!!



فى الاخر اكيد الى حصل ده لازم له واقفه كبيرة قوى مش للشعب الجزائرى وبس لا ولسفير الجزائر فى مصر اكيد وكمان سفير مصر فى الجزائر .....يا رب احمي مصر من كل الحاقديين .


مبروك عليكى يا مصر بجد كسبتى احترام وفخر الجميع .......ميرو انتكة






9 التعليقات:

  gHaDa

19 نوفمبر 2009 في 8:06 م

ربنا يسامحهم يارب علي اللي عملوه فينا دا و يحميكي يا مصر ياااااااااااااااا رب

  غير معرف

19 نوفمبر 2009 في 8:19 م

بَحِبِّكْ يا مصر
وبعشقْ ترابكْ .
وألِفْ المداينْ ..
وأرْجعْ لبابِكْ .
وأحِسْ بكيانى ..
وكرامتى فْ رحابِكْ .
يقولوا فقيره ..
يقولوا أسيره ..
بشوفِكْ أميره ..
وأحبِّكْ يا مصرْ .

بحبِّكْ ملايه .. ومنديلْ بِقُويا .

مقالبْ من أختى .. وغتَاته مْنْ أخويا .

ودعوه مِنْ أمى .. تنسينى همِّى ..

وحِكْمَه مْنْ أبويا.

وأحبِّكْ صبيِّه .. على البحرْ جايَّه ..

فى ساعةْ عصَارى .

ونسمه قُبَالْها .. تطيَّرْ فى شالْها ..

تبَيِّنْ جمالها .. وتِرجعْ تدارى .

وأحبِّكْ مراكبْ .. تعدِّى إللِّى راكبْ ..

لبرْ الأمانْ .

يدوبْ جوَّا نيلكْ .. ويعطشْ يجيلكْ ..

يقوللِّكْ كمانْ .



وأقابلِكْ ببُوسه .. فى زفِّةْ عروسه ..

ولَمَّه فى بيتنا ..

مع ولادْ حارتْنا ..

تدُقْ المزاهرْ .. ترُدْ المزامرْ ..

تزَغْردْ جارتْنا .

نهلِّلْ .. نغنى ..

وحلمْ التمنِّى ..

ينورْ ليليتنا .

وأحبِّك زياره لبيتْ عمْ سيدْ ..

ده أصله فقير مِشْ حيقْدرْ يعَيِّدْ ..

نعَيِّدْ عليه .. نفرَّحْ عنِيهْ ..

ويدعيلْنا دعوه بمليونْ جنيه .



فى أرضِكْ يحِسْ الغريبْ إنُّه مصرى ..

وإحنا الأجانبْ .

ويلْقَى الرعايهْ .. ويلْقَى الحمايهْ ..

على كلْ جانبْ .

ويمشى ف ربوعِكْ .. ويشبعْ بجوعِكْ ..

ويعملْ مصايبْ .

ويرحلْ وينسى .. جِميلِكْ ويقْسَى ..

ويطْلَعْ يعايبْ .

ويرْجعْ تسامْحى .. يا ساكنه فْ ملامحى ..

يا سِتْ الحبايبْ .



ولادِكْ بَنُوكى .. بروحْهُمْ فَدُوكى ..

ويِشْهدْ عليهمْ ترابكْ فى سينا .

ومنهُمْ با عوكى .. عشانْ الشِيروكِى ..

وفيللَّا فْ مارينا .

يعيشوا فى خيرِكْ .. ويدُّوهْ لغيركْ ..

ولادْ اللَّذِينا .

ولوْ جارْ زمانْهمْ .. يعودُوا لْمكانهمْ ..

يلاقوا السَكينَهْ .

وتِنْسِى جحودْهمْ .. وتبكى عليهمْ ..

عنيكى الحزينهْ .



فى أرضكْ سرَحْتْ .. فشَلْتْ ونَجَحْتْ ..

وعشْتْ بْبساطَهْ .

صاحِبتْ الحمَامْ .. ونِمْتْ فْ سلامْ ..

ولوَْ عَ البلاطهْ .

تِغَيَّرْ فى شَكلى ..همومى ومشَاكْلى ..

لكِنْ روحى لأْ .

أعَبَّرْ بغنْوهْ .. وأقولْ نُكتهْ حلوهْ ..

لكِنْ يأسْ لأْ .

ما طيقْشْ الغَتاتهْ ..

وقلبى المسالمْ ما يعرفْ شّماتهْ ..

وأقولْ بالتلاتهْ ..

ب حبِّكْ .. بحبِّكْ .. بحبِّكْ .. يا مصرْ

  لا تـــشـــتــــاق

19 نوفمبر 2009 في 10:38 م

ياحبيبتى يامصر

  ميرو انتكة

20 نوفمبر 2009 في 1:00 م

ghada

حسبنا الله ونعم الوكيل

انا من المدونة يا جماعه بطلب منكم كلكم باسم كل المدونين المصريين والعرب لازم لنا واقفة بجد ...انا بقترح ندخل كل المدونات الجزائريه وندخل ندافع عن مصر ولازم لنا بجد مقاطعه لكل المهازل الى بنشوفها دى لازم يلاقوا مننا رد فعل ...

تحياتى

  ميرو انتكة

20 نوفمبر 2009 في 1:00 م

بحبك يا مصر

تحياتى

  ميرو انتكة

20 نوفمبر 2009 في 1:01 م

لا تشتاق

قدر الله وما شاء فعل كفاية ان مصر عرفت احنا بنحبها ازاى وما نستحملش كلمة او تصرف يسىء لها ولا لكرامتها

تحياتى

  STORM

20 نوفمبر 2009 في 3:26 م

ستورم يرحب بالجميع

اولا بعد متابعة على مدار يومين متواصلين لدرجة ان دماغى صدعت فعلا من كتر الغليان ... وبعيدا عن الانفعالات اللى خدت حقها وزيادة ... منذ القدم ونحن نعلم ان مصر هى المكروهه من قبل العالم العربى لاسباب كثيرة ولكن نحن الان اما مخطط مدبر ومنظم ومرتب ومعد سلفيا وايضا لا نستطيع مهما ان حدث ان نعمم القاعدة فانا اعلم جيدا ان هناك من الجزائريين من لا يطيق ما حدث من بلاده ... وعلى النقيض ان المواطن الجزائرى فى شتى بقاع الارض يحاول جاهدا الانتقام من اخيه المصرى ولكن كل مجتمع به تلك الفئات وايضا هناك الفئات المحبة وان كان الطابع الغالب هو الكره والحقد الدفين والغل ...

اذا فنحن يجب علينا الا نعطى لعدونا الحقيقى فرصة للشماتة كماهو حادث الان وفى الوقت ذاته لابد ان نأخذ حقنا من دولة الجزائر الشقيقة .... اشقاء ماشى على العين وعلى الراس بس نخد حقنا الاول وندلهم بالجزمة ونسكتهم ونخدهم معانا غصب عنهم عشان منحققش اللى عدونا عاوزه

وحسبى الله ونعم الوكيل فى هذه المؤامرة وهؤلاء الخونة

  ميرو انتكة

21 نوفمبر 2009 في 12:10 ص

storm

حسبنا الله ونعم الوكيل والمشكلة اننا عماليين بنتكلم كلنا وبس فى التليفزيون والاعلام، عايزين رد فعل حقيقى وواضح ،الى سمعته ان قريب جدا هتتعمل مظاهرة فى المحلة كبيرة على حق كتير قوى بيقولوا احنا لو زيهم كنا بس بعتنا لهم شعب المحلة لوحدهم كانوا ماقدروش ينطقوا بربع كلمة انما للاسف باعتينلهم ممثليين وبدل وجرفتات تشجع مصر وسط البلطجية وخريجين السجون دولت طبعا هبل فى هبل

  كيكى عوووووو

29 يناير 2010 في 7:47 م

انتى فين
كسبنهما امبارح 4/0