ف الطريق




ف الطريق وشوش تعبانة من الهم والجوع القلوب مليانة ... بيدعوا ربهم من الهم يفكهم وع الطريق الصح يدلهم بأمانة.

ف الطريق قابلني طفل حزين .. سألته ليه انت حزين؟ قالي نفسي الشيبسي العائلي يبقى بخمسين .. قلتله إصبر مصر بعد 25أحسن من قبل 25 .

قابلت معاه شاب مريض وهزيل .. سألته من إيه انت حزين ؟قالي ومنين اتجوز وف جيبي ولا مليم .. قلتله تفائل الدنيا بعد 25غير قبل 25.

تعب قلبي وع البيت هديت ..قدام المرايا لقيت ..وش حزين ..سالته وليه انت حزين ؟..قالي مصر ما اتغيرتش بعد 25ولا قبل 25..تكاتك ع الطريق كتير عاكسيين ..سكت قلبي ع الكلام ساعتين .

ومن بعيد لقيت شباب واقفيين ..ينظفوا بلدهم وع بكرة ناويين مع المرور سانديين ॥سألتهم انتم ليه متفائليين ؟..قالوا لى بكرة لينا وبإيدينا للجهاد بادئيين ..قلتلهم يحفظكم لبلدي رب العالميين ميرو انتكة

16 التعليقات:

  eng_medhatsaber

21 فبراير 2011 في 4:14 ص

أذا رأيــــت إنسانـــاً عاجـــــزاً عــــن الكـــــلام أعلـــــم أنـــــه لا يريـــــد التعبيــــر عـــــن مــــا بداخلــــه.لأن مــــا بداخلـــــه أشيـــــاء لا يوجد من كلمات تعبر عنه
اسمحيلى اهديها لشهداء 25

  ميرو انتكة

21 فبراير 2011 في 4:20 ص

ربنا يرحمهم ويصبر اهلهم

  الــحــــنـــــــــــــــــــين

21 فبراير 2011 في 7:55 ص

بجد كلام جميل اوى اوى والله تقبلى مرورى اتمنى تشرفينى

  وردة الجنة

21 فبراير 2011 في 1:24 م

ان شاء الله يا ميرو اهداف الثورة تتحقق بس نصبر شوية ولازن نشتغل ونعمل اللى نقدر عليه

لان كل حاجة مش هتتغير بين يوم وليلة

كلامك جميييل جدااااااااا يا ميرو
بالتوفيق وان شاء الله دايما فى تقدم

تحياتى ...

  ميرو انتكة

21 فبراير 2011 في 5:48 م

الحــنــــــــــين

ميرسي اوى ونورت المدونة

تحياتي

  ميرو انتكة

21 فبراير 2011 في 5:48 م

وردة الجنة

يااارب يا فطوووومة

ميرسي يا حبيبتي على ردك

تحياتي

  ثـــوره الــغضب

22 فبراير 2011 في 1:31 ص

كل شيئ اتعمل محتاج صبر عشان النجاح يظهر ويبان

وربنا يصبر اهالى الشهداء

وبأزن الله ثمار الثوره قادمه

  ميرو انتكة

22 فبراير 2011 في 1:59 ص

ثورة الغضب

ياارب يا آدم مصر بكرة تبقى احسن


تحياتي

  ♥نبع الغرام♥♪≈

23 فبراير 2011 في 12:20 ص

يارب حبيبتى
كلماتك رووووووووعه

الله عليكى

وحشتينى كتيرررررررررررررررررررر

  ميرو انتكة

23 فبراير 2011 في 4:07 ص

نبع الغرام

ميرسي يا حبيبتي تسلميلي ياارب

والله انتى كمان وحشااني اكتر


تحياتي

  quiet silence

23 فبراير 2011 في 4:37 ص

الله كريم يا ميرو إن شاء الله كل الهموم بتزول بإذن الله

  ميرو انتكة

24 فبراير 2011 في 1:51 ص

guiet silence

يااااربت يا تيما نورتي يا قمر

  فشكووول

11 مارس 2011 في 10:23 م

ازيك يا ميرو
تحياتى
ما تقلقيش يا ميروا الثوره مش حتغير الناس بين يوم وليله ..الناس لسه هى هى الناس .. والنظام لسه بيغيروا فيه وبيعدلوا الدستور .. والثورات بتاخد سنين عشان الناس تشوف النتيجه .. الثوره الفرنسيه اخدت 5 سنوات لحد ما هدأت وبدأت الناس تلمس اثرها
تحياتى

  ميرو انتكة

13 مارس 2011 في 12:46 ص

فشكووول
ازى حضرتك انا تمام الحمد لله

ياارب والله كلنا نتغير للاحسن والكل يحب البلد دى من قلبه بجد ويخاف عليها وباذن الله هنبقى احسن بلد قريب اوى

تحياتي

  Emtiaz Zourob

28 مايو 2011 في 11:52 م

سعيدة لمروري هنا ..

كلمات على قد بساطتها فهي عميقة جدا .. ربنا يصلح الحال ,وان شاء الله الدنيا تكون تغيرت بعد 25 للافضل ..

دمتم بخير انتم ومصر الحبيبة

  ميرو انتكة

3 يونيو 2011 في 10:53 م

وجع البنفسج

تسلمي ربنا يخليكي

ويااااارب يحمي مصر من اى فتنة

نورتى المدونة

تحياتي