الاجازة


ازاى نستفاد من الاجازة صح؟

كل انسان بداخله موهبة جميلة بس للاسف بتضيع مع الزمن واكيد بسبب الدراسة بنبعدنا عنها ولكن عندما تاتى الاجازة

لازم نرجع موهبتنا تانى مثل الرسم مثلا او الكتابة او القراءة واكيد مع الوقت هترجع

الاجازة مش راحة ونوم وبس فيه مثلا الى بيدرسوا فى الكليات العملية او غيرهم بتتاخد دورات ليهم اكيد بنستفاد منها فى الدراسة وفى الحياة العامة بعد كده لو فكرنا هنلاقى ان الاجازة مددتها كبيرة جدا وممكن نطور فى حاجات كتير جدا بداخلنا واكيد هنسفاد منها

القراءة مثلا ومعرفة كل جديد اكيد هنستفيد منها

انا مثلا ازاى باقضى الاجازة

انا الاجازة عندى مقسماها لجزئين الجزء الاول للراحة والنوم ومشاهدة التليفزيون واكيد رؤية الاصدقاء والراحة النفسية التى تاتى بعد تعب كبير جدا فى الكلية وبالاخص لانى فى كلية عملية وفى قسم محتاج جهد 24 ساعة

الجزء التانى بدءت فى الدورات اول دورة بدءت فيها حاليا وهى الاوتوكاد فانا محتاجاها فى الكلية ومفيدة جدا وايضا بادخل على النت واكتب فى مدونتى التى احببتها جدا ولازم اهتم بيها واطورها كل مدة وكمان بحب الرسم والموسيقى


لازم كل انسان يعرف ازاى يخطط للاجازة لكى لا نندم لضياعها دون اى استفادة منها ومن دلوقتى لازم نخطط ازاى نقضى الاجازة وكيف نستفيد منها عقليا وجسمانيا ميرو انتكة

11 التعليقات:

  (IBN_ELAZHAR)

28 يونيو 2008 4:52 م

أزال أحد مشرفي المدونة هذا التعليق.
  نبيلة غنيم

29 يونيو 2008 11:33 ص

عزيتى الجميلة مروة
الاجازة بالفعل هي للراحه
والراحة ليست هى النوم
هى ان تفعل فيها ما يحلو لك وتنجز فيها ما يمكن انجازة أو ما كان مؤجلا في الدراسه
الراحة في ان ندفع بأنفسنا للأمام
لك تحياتى

  ميرو انتكة

30 يونيو 2008 1:27 ص

بجد متشكرة جدا لرايك الجميل

وفعلا انا معاكى فى رايك لازم ننجز اى شىء جميل فى الاجازة ونستفاد منها وللراحة ايضا

  أسير حبيبتي

30 يونيو 2008 3:25 م

السلام عليكم

احييكي للموضوع الرائع
و لا اخفي اعجابي بمدونتك

تحياتي
عدنان

  (IBN_ELAZHAR)

30 يونيو 2008 5:22 م

علي فكره مش عيب ابدا انك تغلطي لكن العيب اوي انك تداري غلطك وتخبيه وعموما راي في المدونه وانتي مسحتيه واعرفي انك لما تمسحي تعليق حد انتي كدا مش بتحترميه اصلا اومال فين الحريه واحترام الرأي الاخر وعموما رأيي في المدونه انها مدوهه جميله ...
وبعدين بدل انتي متشكره علي رأيي مسحتيه لي !!! مش نكون ناس كلامنا موزون كدا ونكون عاقلين !!!
ماتنسيش تقرأي التعليق وتمسحيه

  ميرو انتكة

30 يونيو 2008 7:32 م

انا بجد متشكرة لرايكم الجميل فى مدونتى

وبجد اسفة انا مسحت التعليق فى لحظة بس للاسف كنت عايزة اسيبه بس ما قدرتش على العموم انا اكيد باحترمك والا ما كنتش حزفت الصورة فورا بس هى مش غلطة يمكن ان حضرتك مش مقتنع بالصورة وانه مش مناسب كلامى بس اكيد كلنا بنتعلم وبجد ربنا يوفقك فى مدونتك بجد جميلة
ومش هاحذف التعليق
واحب انى اتعلم بجد منكم ومتشكرة كمان مرة

  (IBN_ELAZHAR)

30 يونيو 2008 9:29 م

والله بس انا مش واخد موقف ولا حاجه وحصل خير واحنا اخوات وماتزعليش وان شاء الله كل مره لازم يكون تعليقي اول تعليق في مدونتك ويكون تعليق حلو ويبسطك ...صدقيني انا مقصدش اي حاجه ولكن انا زعلت لما تعليقي اتسمح

  YouArb,com

30 يونيو 2008 11:16 م

www.YouArb.com
أحدث المحتويات العربية على الانترنت!

*نرحب بانضمامكم معنا.iyo

  ميرو انتكة

1 يوليو 2008 1:08 ص

لا حصل خير وانا مش زعلانة ومتشكرة جدا واكيد هابقى مستنية تعليقاتك على مدونتى ومش لا زم تبسطنى بس استفاد منها حتى لو فيها اخطاء واكيد برده هتبسطنى

ومتشكرة جدا على اهتمامك

  حسن محمد توفيق

6 يوليو 2008 3:44 م

الفاضلة الغالية

ميرو

يارب تستفيدى من الاجازة ..اخبار

النتيجة ايه اتمنى ان تخبرينى سوف اسعد

بنجاحك ...فى الانتظار

وعلى العموم

********دعوة *********

للمشاركة فى حملة الايجابية والاصلاح

من اجل فلسطين

ومن اجل اسرى المسلمين فى سجون

الصهاينة وجوانتاناموا

فى انتظار تواصلك معنا ولك كل التحية

  ميرو انتكة

8 يوليو 2008 6:06 م

استاذى الكبير :حسن

الحمد لله انا باحاول استفاد من الاجازة على قد ما اقدر وفى انتظار النتيجة ربنا يوفق كل الطلبة يا رب

لك تحياتى