تبقى انت اكيد فى مصر
















فى حوادث كتير قوى حصلت فى مصر الفترة الى فاتت بس سعات الكلام مش بنقدر نطلعه بس لما تزيد لازم نتكلم لازم نطلع الى جوانا وغضبنا














اخرهم ماساة الدويقة والى ماتوا والى لسة للاسف تحت الصخور يا ترى الى حصل ده غلطة مين اكيد مش غلطة الغلابة الى ساكنين فى المناطق دي الى للاسف مش لاقين غيرها لا والاغرب انه كانت متوقع حدوث الكارثة دى من 1993 يعنى كانوا منتظرين الكارثه بكل سهولة ولو حقيقى انذروا الناس هيروحوا فين هيسكونوا فى الشارع للاسف التحذير وحده مش كافى بس للاسف احنا مش بنندم على كارثه الا بعد حدوثها للاسف





اعتقد ان الصور كافيه قوى وبتتكلم لوحدها





بس هى كارثة زى كوارث كتير قوى حصلت زى مثلا حوادث القطارات للاسف حوادث القطارات اصبحت اسهل الحوادث فى مصر وده طبعا سببه الاساسى الاهمال فى كل حاجة وغياب وسائل الاطفاء وكتير وكتير



اخر احصائيات اتعملت على حوادث القطارات خلال 5 سنوات 579 تقريبا زى ما قرات طبعا سمعنا عن حوادث كتير للقطارات زى مثلا قطار مطروح وقطار الصعيد وخروج قطار عن القضبان وكتير وكتير للاسف اكيد راحوا بسببهم ضحايا كتير قوى واكيد اتفككت عائلات كتير للاسف وكل ده بسبب الاهمال ... الاهمال





وفيه برده حادثة العبارة سلام 98



والناس الى ماتوا وراحوا وغرقوا والى لسة مش لاقيين الجثث بتاعتهم وللاسف راحوا ضحية للطمع



والى يتعب اكتر ان صاحب العبارة وعضو مجلس الشورى ممدوح اسماعيل هرب لباريس بكل بساطة وطلع براءة كمان للاسف



طبعا حق الناس الغلابة ده راح بس ربنا مش بيسيب حق مظلوم وحسبنا الله ونعم الوكيل





سورى طولت بس بجد كان لازم اتكلم وكلنا لازم نتكلم ولما نشوف الغلط لازم نقول لا .....لا...لا

ربنا معاكى يا مصر ميرو انتكة

42 التعليقات:

  أسير حبيبتي

14 سبتمبر 2008 7:11 م

السلام عليكم

ازيك يا ميرو اخبارك ايه ؟؟

نحن بلا فخر .. بلد الكوارث
و للأسف الشديد ان من يرفض هذا الوضع
إما بيكونوا سلبيين او بيكونوا قله قليله
و للأسف اقول انهم الاتنين مع بعض

مبروك تغيير لوك المدونه

تحياتي و تقديري الشديد لقلمك

  enjy

15 سبتمبر 2008 12:56 ص

الصور لوحدها بتقول اللى كلنا عايزين نقوله.......ربنا معانا

  Beram ElMasry

15 سبتمبر 2008 12:57 ص

ان كنت ممن يتذوقون الشعر العامى والزجل ، ارجو زيارة مدونتى والتفضل بالتعليق

  ميرو انتكة

15 سبتمبر 2008 3:48 م

اسير حبيبتى

ازيك يا عدنان اخبارك ايه انا تمام الحمد لله

لاسف فعلا اننا بنسكت ومش بنقدر نتكلم عن الغلط بس لما بتزيد يبقى لازك نتكلم ونقول راينا

ميرسى لرايك جدا

ويا رب يكون شكل المدونة الجديد عاجبكم انا غيرته علشان يليق بالموضوع وبالى انا حساه فعلا

رمضان كريم

تحياتى

  ميرو انتكة

15 سبتمبر 2008 3:49 م

انجى حبيبتى ازيك يا قمر

فعلا عندك حق الصور بتتكلم لوحدها وبتقول الحقونا

ربنا معاهم يا رب

ميرسى يا قمر رمضان كريم

سلامة سلامة

  ميرو انتكة

15 سبتمبر 2008 3:52 م

beram elmasry

اهلا بيك فى المدونة ويا رب تكون عجبتك

اكيد بحب الشعر العامى جداجدا واكيد هازور المدونة

ميرسى ليك
تحياتى

  Abd-Alrahman

17 سبتمبر 2008 5:08 ص

طبيعي ان اي مكان تحصل فيه حوادث
بس مش بالعبط دة والضحايا مش بتكون كدة
اول مرة اسمع ان مجلس شوري يتحرق في دولة
وان قطر يولع ويموت علي الاقل 300 واحد
ولكن هنقول اية

حسبي الله ونعم الوكيل
وبرضة لازم يفضل دة الطابع المصري بتاع الاستهتار
والاهمال في حياه الادميين

تحياتي علي التدوينة الرائعة والمدونة الاروع
عجبتني اوي بجد
واكيد الي تعمل التدوينة والمدونة دي
بتتمتع بدماغ جبارة ربنا يحميلهالك

بس اتمني تلغي تاكيد الكلمة دة الي بعد التعليق لانه رخم اوي

ومستني زيارتك

الصيدلي المطحون

  Beram ElMasry

17 سبتمبر 2008 12:46 م

العزيزة . ميرو
مرحى بقوة الشباب وتدفقه ، واعلمى انى كالكثيرين مج المداهنة ، ونقد الذات تقويم لها وانفع
ارجو التكرم بمعاودة الزيارة لمدونتى
ولا تحرموننى من النقد والتوجيه
مع خالص شكرى وامتنانى

  ميرو انتكة

17 سبتمبر 2008 7:36 م

abd-alrahman

ميرسى ربنا يخليك المهم انها تكون عجبتك فعلا وبجد والله نورت المدونة

ومعاك حق فعلا حسبنا الله ونعم الوكيل

كل سنة وانت طيب رمضان كريم

تحياتى

  ميرو انتكة

17 سبتمبر 2008 7:38 م

beram elmasry

ميرسى بجد لاهتمام حضرتك

واكيد انا متابعه مدونة حضرتك ربنا يوفقنا كلنا يا رب ورمضان كريم


تحياتى

  عبدالتواب محمود

18 سبتمبر 2008 8:01 ص

مصر ام الدنيا


بس فى الحوادث


وتجويع الناس وخراب بيوتهم


عمار يا مصر


دعواتك

  اتحاد المدونين المصريين

18 سبتمبر 2008 9:48 ص

الاخوة الاعزاء الافاضل

اتمنى ان نقوم جميعا بالدعاء لاخينا خالد وكل مرضانا ومرضى المسلمين فى هذه الايام

المباركة من شهر رمضان .... وان ننشر هذه الحملة بين الاصدقاء لنقوم جميعا بالتواصل

مع خالد والشد من ازره ليقاوم هذا المرض اللعين ..

اذا المطلوب من كل منا ان ننشر خبر الحملة على مدونات الاصدقاء وان نراسل اصدقاؤنا

بها .. لعل الله يستجيب لنا و تكلل جهودنا بالنجاح ويعود الينا سالما معافا ان شاء الله ...

شكرا لكم جميعا مقدما

  محمد الدخاخنى

18 سبتمبر 2008 5:03 م

مصر بتمر بمرحلة وهتعدى بإذن الله
بس لما تمشى الحكومة اللى منضفة البلد
وده قريييييييييييب جدا بإذن الله

  ميرو انتكة

18 سبتمبر 2008 8:24 م

عبد التواب محمود

اهلا بيك فى المدونة

معاك حق مصر ام الدنيا بجد نفسى تبقى احلى بلد فى الدنيا


تحياتى ونورت المدونة

  ميرو انتكة

18 سبتمبر 2008 8:26 م

ربنا يشفى المدون الكبير خالد يا رب

واكيد كلنا معاه بدعواتنا وبقلبنا


واكيد هو انسان قوى ويقدر يقاوم المرض


تحياتى

  ميرو انتكة

18 سبتمبر 2008 8:27 م

محمد الدخاخنى

ربنا مع مصر وباذن الله هتبقى احلى بلد فى الدنيا بشببها والاجيال الى جاية ان شاء الله

نورت المدونة


تحياتى

  no promises

19 سبتمبر 2008 4:45 ص

تفتكرى يا ميرو
احنا نقدر نعمل ايه غير الكلام
نفسى حد يجاوبنى

  ميرو انتكة

19 سبتمبر 2008 2:02 م

no promises

والله معاكى حق الى نقدر عليه اننا نتكلم بس لازم نتكلم لو مش اتكلمنا ممكن نطق يبقى الحل اننا نكتب ويمكن حد يحس بالحال

بس كفاية اننا نطلع الى جوانا

تحياتى

  سنووايت

19 سبتمبر 2008 5:31 م

عارفة بجد
لو بصيتي علي كل الكوارث اللي بتحصل في بلدنا هتلاقي سببها الاهمال زي ما قلتي
هو دا
الاستهتار
والاهمال
وان مفيش اي تنظيم ولا تخطيط ولا تفكير في اي شيء
زاد عليهم بقي في الفترة الاخيرة غياب الضمير فمابقاش حد يراعي اي شيء

ربنا معاكي يا مصر ويا شعب مصر

  ميرو انتكة

19 سبتمبر 2008 7:11 م

سنووايت

نورتى المدونة يا جميل

ومعاكى حق فعلا غياب الضمير للاسف هو الى زود الكوارث ربنا معاكى يا مصر

نورتى المدونة ويا ريت تزوريها على طول

تحياتى

  fatoma

20 سبتمبر 2008 2:01 ص

ميرووووووووووو
حبيبتى وحشتينى اوى

انا قولتلك رأيى امبارح فى مقالك
بس لازم اكتب تعليق عند صديقتى وحبيبتى ميرو

بجد بيعجبنى اختياراتك للمواضيع يا مروه
مدونتك من المدونات الى تستاهل ان الواحد يدخل فيها ويقرأ ويتشرف بكتابة التعليق عندك

اتمنالك التوفيق فى حياتك يا قمر

يللا
سلامه سلامه
ههههههههههههه

  ميرو انتكة

20 سبتمبر 2008 2:12 ص

بطة حبيبتى وصاحبتى الجميله

والله انتى الى وحشااااااااااااانى موت وخلاص هانت الكلية جات كلها يوم ان شاء الله

الله يخليكى يا قمر المهم انها تكون عجبتك ويا رب تعجبك على طوووووول

يلا سلامة سلامة يا حبى وعلى ان نلتقى ههههههههههههههه

  Beram ElMasry

22 سبتمبر 2008 11:23 ص

سيدتي سيدى
السلام عليكم ورحمة الله وبركاته
ان شاء الله يوم الثلاثاء القادم 23 - 9 ساقدم عملا جديدا فى مدونتى ، ارجو من الله ان ينال منكم القبول ، فلا تحرموننى الزيارة والنقد والتوجيه
ولكم كل الاحترام والتقدير

  غير معرف

23 سبتمبر 2008 2:25 م

ميرو

اكيد انتى فى مصر

تعرفى فى الصين حصلت حادثة قبل كدة

بيقولوا ان تاكسى خبط فى اتوبيس

ومات تلاتة

وزير النقل استقال

يا ترى فى مصر ليه بيخافوا من الاستقالة

يمكن علشان مصر العزبة بتاعت ابوهم

سورى على اللفظ

تحياتى

  ميرو انتكة

23 سبتمبر 2008 11:09 م

beram elmasry
ربنا معاك ويوفقك واكيد هنشوفه ومستنينه

تحياتى

  ميرو انتكة

23 سبتمبر 2008 11:13 م

المحارب المتيم

اخبارك ايه ؟ كل سنة وانت طيب

وبعدين انت بتشبه مصر بالصين هههههههههه

لا طبعا مصر ما فيش زيها فى حاجات كتير بس بصراحه زى ما فيها الوحش فيها شعب طيب وغلابه وشباب دماغهم حلوة وحاجات كتير بجد كويسة وبايدينا نقدر نغيرها

تحياتى

  الغيم

24 سبتمبر 2008 12:00 ص

احب مصر كيف ماتكون

  انا ودماغي

24 سبتمبر 2008 12:40 ص

حلوة جرعة الإكتئاب دى

بجد و الله البلد دى باظت خالص أنا احيانا بحس أننا لو فى أحتلال وضعنا مش حيكون أسوأ

للآسف أحنا فى بلد آخر حاجة عندها الإنسان



حسبى الله ونعم الوكيل

  ميرو انتكة

24 سبتمبر 2008 12:48 ص

الغيم

والله كلنا بنحب مصر وانا اولكم بس لما نلاقى غلط مش ينفع نسكت والا ايه؟؟؟؟


نورت المدونة ورمضان كريم

تحياتى

  ميرو انتكة

24 سبتمبر 2008 12:50 ص

انا ودماغى

نورت المدونة هى مش جرعه اكتئاب قوى بس زى ما من حقنا نفرح اكيد مع الفرحه شوية حزن لما نشوف الغلط قدامنا


كل سنة وانت طيب ورمضان كريم

تحياتى

  دعاء مواجهات

24 سبتمبر 2008 1:27 ص

ازيك ياميرو ياقمر

وحشاانى يابنتى جدا

بقى يعنى هو الناس ناسيه علشان تفكريهم

يابنتى دا هو دا اللى فاكرينوا اصلا

ربنا يتولانا برحمته

منورانى ديما

بيس

  ميرو انتكة

24 سبتمبر 2008 1:30 ص

دودى ازيك يا قمر والله انتى الى وحشاانى اخبارك ايه

معاك حق لما الحوادث بتكتر للاسف ما حدش بيقدر ينساها كلها

رمضان كريم يا جميل
بييييييييييييس

  A7MeD F@hMy

25 سبتمبر 2008 2:29 م

فعلا بقت هي دي مصر دلوقتي
كوارث
بس كوارث
ربنا معانا و الله
مش عارف لما المصريين رخاص كدة في بلدهم
اومال برة هيعملوا فيهم ايه؟

رووووومانسي

  ميرو انتكة

25 سبتمبر 2008 3:00 م

a7med f@hmy

ربنا معانا كلنا ومع مصر فعلا ويقلل الكوارث الى بتحصل كل يوم دى

رمضان كريم

تحياتى

  حسن محمد توفيق

29 سبتمبر 2008 8:24 ص

العزيزة الغالية

ميرو

كل سنه وانت طيبه وعيد سعيد وعمر مديد ان شاء الله ...
اتمنى ان تغيرى رابط مدونة الاتحاد الى المدونة الاصلية فى مكتوب حيث ان هذه المدونة الموجودة فى بلوج خارج السيطرة ومتوقفه وانا قلت لك ذلك من قبل
كما اتمنى ان تتابعى مدونتى فى مكتوب ايضا والتى اكتب باسمها هذا التعليق
عيد سعيد

  اتحاد المدونين المصريين

29 سبتمبر 2008 8:25 ص

الفاضلة

ميرو

ندعوكم للانضمام الى حملتنا الجديدة والتى اعتقد سوف يكون لكم دور مؤثر فيها ...فى انتظاركم

  ميرو انتكة

30 سبتمبر 2008 7:47 م

السلام عليكم
كل سنة وحضرتك طيب يا استاذ حسن وعيد سعيد يا رب على المسلمين كلهم

تم بالفعل وضفت رابط الاتحاد الجديد متشكرة لحضرتك جدا ولاهتمامك

تحياتى

  غير معرف

30 سبتمبر 2008 8:28 م

اللهم يا سامع النداء
ومجيب الدعاء
امنح قارئها راحة البال والخاطر
ونجه من المخاطر
وكن له ساتر
وبلغة الفطر مجبور الخاطر

عيد سعيد عليكم
وكل سنة وانتوا طيبيين
مستنى تهنائتكم بعيد ميلادى على المدونة

اول ايام عيد الفطر

  غير معرف

30 سبتمبر 2008 8:29 م

اللهم يا سامع النداء
ومجيب الدعاء
امنح قارئها راحة البال والخاطر
ونجه من المخاطر
وكن له ساتر
وبلغة الفطر مجبور الخاطر

عيد سعيد عليكم
وكل سنة وانتوا طيبيين
مستنى تهنائتكم بعيد ميلادى على المدونة

اول ايام عيد الفطر

  ميرو انتكة

1 أكتوبر 2008 12:12 ص

المحارب المتيم

امين يا رب العالمين

كل عام وانت طيب

عيد سعيد علينا كلنا يا رب

تحياتى

  سنووايت

1 أكتوبر 2008 3:25 م

كل سنة وانتي طيبة يا ميرو

  ميرو انتكة

1 أكتوبر 2008 6:46 م

سنووايت

كل سنة وانتى طيبة يا قمر
وعيد سعيد يا رب علينا كلنا

سلامة سلامة