الحلم القاتل


احساس صعب قوى لما نبقى فى بلدنا ونلاقى شعب تانى جاى علينا عايز ياخد كل حقوقنا فى العيشة والراحة والامان


انا حلمت حلم صعب قوى يمكن حلمت بيه قبل كده كتير بس مش عارفه ليه المرة دى بالذات حبيت اقوله


حلمت ان بلد تانية عايزة تعيش فى بلدنا وجاية ضعيفه وبتطلب المساعده وبعد ما وافقنا انهم يعيشوا معانا مرة واحدة ظهر الشعب ده على حقيقته ودخل الجيش علينا وقتل كل حاجة حية وجميلة فى البلد قتل البراءة والطيبة قتل الايد الى ساعدته


كنت انا اخر واحدة فى الحلم اتقتلت يمكن لحبى فى الحياة كنت باحاول اهرب على امل انى ادافع عن بلدى بس للاسف البلد اتدمرت كلها



الحلم ده بجد حسسنى قوى باخواننا فى فلسطين فعلا مهما سمعنا عن الى بيحصل لهم ممكن نزعل شوية بس الى عايش فى الحدث غير الى بيسمع عنه اكيد فى الحلم ده فعلا حسيت بيهم وبالظلم الى هما حاسين بيه والخوف



بجد احنا لو اتجمعنا كلنا وبقينا ايد واحدة هترجع لنا فلسطين بس لاسف صعب بس اكيد مش مستحيل




ده كان بالنسبة لى حلم لفترة وبعد كده صحيت .....انما فى فلسطين دى حقيقة ومش بيصحوا منها



ميرو انتكة

9 التعليقات:

  حروف (دلو مرة ثانية وجرح ثاني سابقا)

13 ديسمبر 2008 2:15 م

عندك حق انا اول زيارة وعارفة اية اللي خلاني ادخل عندك الصورة اللي انتي حطاها للمسلسل الكوري شايفة ايه الفرق بينا وبينهم ناس لما بتحس بتشتغل باحساسها فابتنجح ناس من الصفر انتقلت للقمة دة راي احنا لو حسنا بغيرنا واشتغلنا باحساسنا واتجمعنا حننتج وناخد حقنا

  enjy

13 ديسمبر 2008 10:06 م

هم فعلا مش بيصحوا منه ابدا...حاجة مخيفة جدا

  أسير حبيبتي

20 ديسمبر 2008 7:00 م

السلام عليكم

ازيك يا مروة
اسف على التأخير

"لو اتجمعنا كلنا وبقينا ايد واحدة"

حلم كل انسان عربي ، باستثناء زعماء العرب الي كلهم في وادي تاني خالص
و بجد نفسي اعرف السبب في الموضوع ده
هم مش عرب برضو ولا ايه !

اللهم اجمع امتنا و وحد كلمتنا

  أسير حبيبتي

20 ديسمبر 2008 7:01 م

أزال المؤلف هذا التعليق.
  ميرو انتكة

21 ديسمبر 2008 12:43 ص

حروف(دلو مرة ثانية وجرح تانى سابقا )

نورت المدونة بجد وميرسى لرايك جدا


تحياتى

  ميرو انتكة

21 ديسمبر 2008 12:45 ص

انجى
ازيك يا قمر

فعلا للاسف مش بيصحوا منه ابدا عارفه الغريب ايه انى تقريبا كل يوم باحلم الحلم ده الله اعلم ايه السبب يمكن لانى اصلى من فلسطين فحاسة بيهم اللع اعلم


سلامة سلامة يا جميل

  ميرو انتكة

21 ديسمبر 2008 12:47 ص

اسير حبيبتى

ازيك يا عدنان

معاك حق فعلا وده حلمنا كلنا والى فرحنا بجد الى عمله البطل منتظر الزيدى اعطانا امل بجد ربنا يعينة


تحياتى

  م/ الحسيني لزومي

21 ديسمبر 2008 7:17 م

من اجل مصر
شارك في الحملة الشعبية للقيد بالجداول الانتخابية وادعو غيرك
ضع بنر الحملة علي مدونتك
البنر موجود علي مدونتي
اذا كنت ترغب في وضعه علي مدونتك ارسل ميلك كي ارسل لك كود البنر
ارجو المعذرة للدخول بلا مقدمات لأني ادخل علي مئات المدونات يوميا
م/ الحسيني لزومي
مدونة /مواطنون ضد الشعب
-----------------

  غير معرف

28 ديسمبر 2008 3:11 م

عاجبك اللى بيحصل فى غزة دلوقتى

لو مش عاجبك وعايز تاخد موقف

تعالى عندى فى المدونة وشارك

غزة تصرخ

فهل سنجيب ؟؟؟