احنا فى رمضان


ازيكم يا جماعه والله فعلا المدونة وحشتنى قوى الفترة الكبيرة دى بس ادينى رجعت تانى انا ماليش غيرها هروح فين يعنى انا نجحت الحمد لله وكمان كملت ال21 سنة عقبالكم ياارب .



نزلت فى رمضان الشارع قلت اشووف رمضان ازاى السنة دى مع الناس المهم لقيت العجايب .



  • قلت اروح اشترى حاجة لقيت البياعين بيزودوا فى حقها اسعار سياحيه.. ..يا جماعه عيب احنا فى رمضااان.

  • اشتريت عرض من الى بيجى فى التليفزيون زودوا عليه تقريبا تمنه ........يا جماعه عيب احنا فى رمضاان.

  • الناس ماشيه تعاكس فى الشارع بطريقة مستفزة وحريقة فى السجاير الانتقام فعلا ....يا جماعه عيب احنا فى رمضان.

  • وااااه على المسلسلات ما شاء الله الاعلام الجميل بتاعنا مش مدينا فرصه نتنفس او نحس بجمال رمضان كمية مسلسلات رهيبة بجد قبل وبعد الفطار .....يا جماعه عيب احنا فى رمضاان.


هو رمضان قبل المغرب وبس ؟؟ يعنى صوم وخلاص والا ايه بالظبط؟؟؟؟



فعلا الناس بعد الفطار بترجع لطبيعتها او اكتر كمان مسلسلات وسجائر ونصب فى الاسعار وحاجات كتير قوى يعنى كل الى بنحاول نعمله ونزود بيه الحسنات قبل الفطار على طوووووول بعد الفطار بيروح ما شاء الله طبعا .



يا جماعه عيب بجد احنا فى رمضان يعنى كل واحد لازم يقرر رمضان السنة دى هتعلم ايه جديد؟ هاغير من نفسى ايه فى رمضان السنة دى؟ كده هو ده رمضاان .



انا السنة الى فاتت كنت كاتبه الى ناوية اعمله فى رمضاان وفعلا نفذت تقريبا الى قلته .



رمضان بقى السنة دى قررت اعمل حاجة جديدة شوية بمعنى انى حسيت ان صلاتى فى البيت افضل وكمان قررت انى ما افتحش نت كتير فى رمضان يعنى تغيير شوية لان فعلا النت ده زى السجائر ادمان .......هو ده رمضان اننا نفكر فى حاجة جديدة نتغير للاحسن خطوة مش نرجع خطوتيين.



انا من الى شوفته بجد قلت لازم اتكلم ..........يا جماعه عيب احنا فى رمضااان .



رمضاان كريم على الامة الاسلامية كلها وياا رب نطلع خطوة مش ننزل خطوتيين .




ميرو انتكة......

27 التعليقات:

  شموسة

26 أغسطس، 2009 7:30 م

فعلا عندك حق ياميرو
للأسف كتير من الناس بيعدى عليهم رمضان
ومابيستفيدوش منه بأى شئ،
إحنا لا نملك إلا الدعاء ليهم،
((ربنــــــا يهديهم يارب،ويغفر لهم))

أدعيلهم ياميرو
وربنا يتقبل منا إن شاء الله

كل سنه وأنتى طيبه
ورمضـــــــ كريم ــــان
أعاده الله عليكي باليمن والبركات

تقبلي مروري
شموسه

  ريمان

26 أغسطس، 2009 8:40 م

والله معاكى حق

انا بصراحه بحس ان رمضان مش ليه طعم زى زمان

الناس بجد اتغيرت وكل شىء اتغير


بس برضه رمضان كريم

وكل سنه وانتى طيبه

  ميرو انتكة

26 أغسطس، 2009 9:36 م

شموسة

ربنا يخليكى منورة المدونة يا جميل ورمضان كريم

كل سنة وانتى طيبة يا شموسة وربنا يتقبل منك ياارب

تحياتى

  ميرو انتكة

26 أغسطس، 2009 9:40 م

ريمان

عايزة تشوفى رمضان صح ايام زمان فى المسلسلات القديمة دى زى المال والبنون والحاجات الحلوة بتاعة زماان دى تشوفى فيها رمضان بحق

رمضان كريم يا جميل

تحياتى

  عاشقة الأحزان

26 أغسطس، 2009 11:49 م

اذيك ياقمرايا

اخبارك ايه وحشتنى قوووووووووووووى
كل سنه وانتى طيوبه ياقمر
ورمضان كريم علينا وعليكو
ومعاكى حق كل حاجه اتغيرت ومعتش رمضان زى زمان
احيك على البوست الجميل وكلامك الاجمل

امووووووووواه

  فشكووول

27 أغسطس، 2009 1:08 ص

السلام عليكم ميرو انتكه ... انتكه فعلا
كل سنه وانت طيبه ورمضان كريم

اشكرك على التعليق فى فشكول ودايما تنورينا بزياراتك

ماهو احنا مش حنكون غير احنا ... كل حاجه بقى فيها نصب وبقى فيها استهبال

اذا كانت الحكومه بتنصب علينا وبتستهبلنا يبقى البياعين حيعملوا ايه

رمضان كريم وكل سنه وانت طيبه

  ميرو انتكة

27 أغسطس، 2009 9:29 م

عاشقة الاحزان

ازيك يا قمر والله انتى الى وحشتينى قوى فعلا

رمضان كريم يا انوسة يا جميلة

امواااه انتى هههههههههه

  ميرو انتكة

27 أغسطس، 2009 9:30 م

فشكوول

وعليكم السلام ورحمة الله

ازى حضرتك نورت المدونة بجد

ربنا يهدى الكل يا رب الحكومة والبياعيين والكل

كل سنة وحضرتك طيب يا رب ورمضاان كريم


تحياتى

  بنوتة مصرية

28 أغسطس، 2009 1:52 م

كل سنة وانتى بخير
ربنا يهديهم

  ميرو انتكة

28 أغسطس، 2009 6:14 م

بنوتة مصرية

وانتى طيبة وبخير يا جميل

نورتى المدونة

تحياتى

  sweet angel

29 أغسطس، 2009 2:14 م

السلام عليكم
- - - - -- -
ازيك يا ميرو

كل سنه وانتي طيبه

وعلى فكره رمضان مبقاش بس قبل المغرب لا والله ده ولا قبل ولا بعد
ربنا يستر علينا وعلى المسلمين اجمعين
شكرا لمرورك بمدونتي

وتفضلي لاستلام التاج
تحياتي
تقبلي مروري المتواضع

  ميرو انتكة

29 أغسطس، 2009 2:52 م

sweet angle

نورتى المدونة يا جميل ...فعلا والله على رايك ربنا يهدى الجميع وميرسى على التاج يا قمر

تحياتى

  حـــــــــــب الملائكه

30 أغسطس، 2009 4:24 ص

السلام عليكم :
ربنا معاكى وتكونى احسن وافضل من كده يارب . الطريقه حلوه والموضوع مهم والنظام فيه .
امتياااااااااز ...
سلام ..
fathy
ياريت تقبلي مرورى

  ميرو انتكة

30 أغسطس، 2009 3:49 م

حب الملائكه

وعليكم السلام ورحمة الله

ميرسى جدا ليك بجد
ونورت المدونة وبعالم التدويين كله

رمضان مبارك

تحياتى

  ضكتور جدا

30 أغسطس، 2009 6:09 م

مع حضرتك حق
ورمضان كريم

  ميرو انتكة

30 أغسطس، 2009 9:58 م

ضكتور جدا

نورت المدونة

رمضان مبارك

تحياتى

  7annen

30 أغسطس، 2009 10:07 م

كل سنه وانتى طيبه ياقمر

ربنا يتقبل الصيام والقيام

ونحاول بجد منضيعش رمضان من ايدينا

رمضان كريم

حنين

  د/ أحمد لاشين

30 أغسطس، 2009 10:11 م

يا باشمهندسة الدنيا جميلة والله
والناس كويسين وبخير
انا بأمشي في الشارع اشوف الزينة الرمضانية والفوانيس امام البيوت واوراق بلاستيكية تزين الشوارع مكتوب عليها كلمات جميلة
وبأشوف الراجل بتاع الكنافة والمشروبات الرمضانية
بأشوف الناس عندها حياء اكثر من ذي قبل
بأشوف بعض السائقين مشغل قرآن
انا شخصيا بأحاول اطيع ربنا اكتر

اما بعض السلوكيات المنتشرة في كل زمان ومكان من جشع البعض او طيش بعض الشباب فهذه الاشياء كانت بشكل او بآخر في ايام الرسول والصحابة
بل كان يصلي معه عليه الصلاة والسلام وفي الصف الاول زعيم المنافقين عبدالله بن ابي بن سلول
المجتمع الطاهر غير موجود بين البشر
ممكن بين الملائكة ممكن
اعتقد انا لو كنت بائع ومعنديش اخلاق وقيم ممكن اكون جشع
ولو كنت شاب ليس لدي خلق ينهاني كنت سأرتكب الكثير من الاخطاء اكثر من حالي الان

اعتقد مطلوب ان حضرتك تشفقي عليهم
لا تبغضيهم
لو عندهم من العلم والخلق مثل ما عند حضرتك فلربما كانوا افضل من وضعهم الان

ربنا يكون في عونهم من اللي بيشوفوه
اللي مش لاقي شغل واللي مش لاقي زواج واللي مش قادر يأكل اولاده

واللي مش لاقي اللي ينصحه

يارب اهدنا جميعا
وارحمنا

  د/ أحمد لاشين

30 أغسطس، 2009 10:14 م

آسف يا افندم
نسيت ابارك لحضرتك علي النجاح
وابارك لحضرتك بلوغك 21 سنة
وعقبال 121 سنة في طاعة الله
ومابين نجاح ونجاح في كل شؤنك يارب
اعتقد كده من حقك الدستوري انك تترشحي في الانتخابات
بس مش عارف انتخابات ايه بالضبط
لكن فعلا من حقك تترشحي
ومن حقنا ننتخبك حسب الدستور

ربنا يكرمك

  blue-wave

1 سبتمبر، 2009 2:13 ص

ياااااااااااااة
تصدقى ان فعلا فيه ناس مش واخدة بالها اننا فى رمضان؟؟

  ميرو انتكة

2 سبتمبر، 2009 9:01 م

7annen

نورتى المدونة يا جميل

رمضان مبارك

  ميرو انتكة

2 سبتمبر، 2009 9:01 م

د/احمد لاشين

ميرسى جدا لرايك وشرفت المدونة

رمضان مبارك

تحياتى

  ميرو انتكة

2 سبتمبر، 2009 9:02 م

blue-wave

ربنا يهدى الكل

رمضان مبارك

تحياتى

  lorka

4 سبتمبر، 2009 4:04 م

كل سنة وانت طيبة ياميرو
ويارب رمضان سعيد وصوم مقبول وذنب مغفور وعتق من النار
وفقك الله لما ينفع

فعلا يامروة عندك حق
الناس بقت بتقضي رمضان بشكل غريب
تنافس على اللي شاف أحلى مسلسل وتابع احلى برنامج
والمقاهي مليانة ناس
الناس خلاص اتجننت
ربنا يهديهم

  ميرو انتكة

4 سبتمبر، 2009 9:06 م

lorka

كيفك يا احمد؟ كل سنة وانت طيب

معاك حق والله فعلا ربنا يهديهم ويهدينا كلنا

رمضان مبارك

تحياتى

  اقصوصه

25 سبتمبر، 2009 7:00 ص

كل عام وانتم بخير

  ميرو انتكة

26 سبتمبر، 2009 4:06 ص

اقصوصة
وانتى بخير يا جميل نورتى المدونة

تحياتى