اول تاج استلمه من الجميلة مروة صاحبة مدونة احلى ملاك




اولا وحشتونى قوى

ثانيا:- باركوا لى الاول كده
كتبت فى مجلة جميلة قوى وفعلا حبتها من اول ما دخلت فيها وقرأت مواضيعها الجميلة مجلة رؤية مصرية
http://www.roaua.com/article.php?id=555

كتبت سلسلة حلقات باسم هناء وشيرين شوفوها ويارب تعجبكم .
ــــــــــــــــــــــــ
ثالثا بقى نيجى لاول تاج استلمه ويارب اقدر عليه واجاوبه تمام

بسم الله نبدء
ــــــــــــــــــــــ


1

-------

من انت ؟؟؟


اكيد سؤال صعب قوى بس هاحاول اجاوب عليه
انا مروة ، 21 سنة ، كلية الهندسة ، جامعة المنصورة ، 3 عمارة
بحب الناس قوى مع انى بحب اكون لوحدى طول الوقت
ــــــــــــــــــــــــــــــــــــــــــــــــــــــــــــــــــــــــــــــــــــــــــ

2

---------

ماذا تفعل هنا ؟؟

انا بحب الكتابة جدا من صغرى ، بحب اقول رايى من غير اى خوف ولا ضغط

حاولت كده فى الطبيعه بالتعامل مع الناس لقيتها صعبه جدا ، لقيت الفرصة دى بس على المدونة وفعلا لقيت نفسى الى كانت تايهة عنى هنا فى المدونة .


ـــــــــــــــــــــــــــــــــــــــــــــــــــــــــــــــــ


3

---------

إسرائيل تقصف كل جنوبٍ ممكن بحثاً عنك ، أي شمالٍ تقصد ؟؟


لا حول ولا قوة الا بالله انا ده انا غلباااااااااااااااااااااااانة وماليش فى الجو ده


بس عموما لو اقدر اضحى بنفسى علشان اى حد اكيد مش هتاخر .


ــــــــــــــــــــــــــــــــــــــــــــــــــــــــــــــــــــ


4

---------

أنت مكلف بحذف حرفٍ من حروف العربية ، أي حرفٍ تحذف ولماذا ؟؟؟


ههههههههه انا لو عليه يبقى حرف الراء

لانه كان عامل لى مشكلة جامده فى صغرى بس حاليا الحمد لله بقى تمام

بس يمكن تقول عقدة بقى .....


ـــــــــــــــــــــــــــــــــــــــــــــــــــــــــــــــ


5

---------

لو قدر لك أن تدخل السجن ، فما القضية التي تود أن تدخل بها إليه ؟؟


يعنى ممكن سياسة او حد اذى حد عزيز عليه .....لا قدر الله فى الاتنين طبعا


ـــــــــــــــــــــــــــــــــــــــــــــــــــــــــــــــــــ


6

---------

متى اكتشفت نفسك ؟؟


اكتشفت نفسى من سنة ونص تقريبا او بالاصح من بداية التدوين فعلا لقيت نفسى الى كنت بدور عليها طول العمر كله


ــــــــــــــــــــــــــــــــــــــــــــــــــــــــــــــــ


7

---------

على مفترق الطريق لافتتان ، إحداهما تشير" إلى حلمك " والأخرى " إلى ما يحلم به الآخرون " إلى أي واحدة تتجه ؟؟


لا الصراحة انا كنت زمان على طوول بمشى فى طريق مايحلم به الاخرون بس كنت على طول بخسر وبتعب ولما غيرت اتجاهى لطريق الى حلمك لقيته اريح واحسن لانك استحالة تقدر ترضى كل الى حواليك

فانا هختار " الى حلمى "


ـــــــــــــــــــــــــــــــــــــــــــــــــــــــــــــــــــ


8

----------


نحن لا نعيش حياتنا بل نتعلم فيها كيف نعيش ، ما تعليقك ؟؟


اكيد طبعا موافقه عليها جدا

كل يوم واحنا عايشين بنتعلم حاجة جديدة بنغلط ونتعلم الصح بنقع وبنتعلم ازاى نقف لوحدنا وكده الحياة كلها تجارب والذكى الى يتعلم منها وما يقعش بسببها مرتيين


ــــــــــــــــــــــــــــــــــــــــــــــــــــــــــــــــــــــ


9

----------


بجملةٍ واحدة ، اكتب تعريفاً لكل كلمةٍ من الكلمات الآتية (الوطن-الأم-الليل-الحب-أمريكا-المرأة-الصمت-الإنترنت) ؟


الوطن :- امى فعلا، برغم كل الى بنشوفه منها بس لازم نرجع لها ونترمى فى حضنها .


الام :- الحنان والعطاء هى الى تقدر تعلمك ازاى تحب او ازاى تكره.


الليل :- الهدوء والرومانسية وبداية يومى .


الحب :- الحياة والروح الى من غيرها البنى ادم ميت .


امريكا :- تطور وتكنولوجيا بس فى الاخر غضب ربنا اقوى من كل ده .


المرأة :- كائن ضعيف ورقيق امنية حياته يحس بالامان والحب .


الصمت :- الصمت ملاذى فعلا ، الهدوء والخيال .


الانترنت :- حياتى ، مستقبلى ، ادمان


ــــــــــــــــــــــــــــــــــــــــــــــــــــــــــــــــــــــــــــ


10

----------


قيس وعنترة وجميل هم الذين يقولون شعرا ، وليلى وعبلة وعزة صموت ، لم هذا التغيب للمرأة ؟؟


المرأة كائن خجول بطبعه وطبيعى انها بتحب تسمع وقليل انها تتكلم بالعكس الصمت ده دليل على الحب اكتر برايى لانه بيبقى بالنسبة لها اكتر من كلام يتقال .


ــــــــــــــــــــــــــــــــــــــــــــــــــــــــــــــــــ


11

---------

إلى أين تمضي كلمات الحب بعد أن تقولها ؟؟


الحقيقة لسه ما قلتهاش لحد ، بس الاهم الفعل، بس اكيد مع شوية كلام بس يبقى ليه مش منى ههههههه انانية شوية معلش.


ـــــــــــــــــــــــــــــــــــــــــــــــــــــــــــ


12

---------

هل تجد علاقةً بين المرأة وقطاع الطرق ؟؟


الكائن الرقيق ده صعب تلاقى تشابه بينه وبين قطاع الطرق زى بالظبط فيه تشابه بين الضباع والفراشات


بس يمكن فيه شعور واحد يمكن بيجمع بينهم الاتنين على طول فى خوف ومش حاسيين بالامان بفرق الاسباب طبعا .


ــــــــــــــــــــــــــــــــــــــــــــــــــــــــــــ


13

----------

هذا فراق بيني وبينك ، لمن ومتى تقولها ؟؟


لا يمكن الجملة دى بحسها تتقال للاولاد اكتر يعنى اكيد فيه فروق كتير فى رد الفعل بين الولد والبنت ، تعامل الناس مع الاتنين والتفرقة الى بتحصل ونظرة الناس بين عيب وحرام للولد والبنت ........


ـــــــــــــــــــــــــــــــــــــــــــــــــــــــــــ


14

---------

كيف هو غدا؟؟


اكيد نفسى بكرة يكون احسن واحسن ونظرة المجتمع للبنت تختلف


ــــــــــــــــــــــــــــــــــــــــــــــــــــــــــــ


15

----------

لمن تمرر التاج؟؟؟


والله لو عليه للكل اى حد يتفضل ياخده طبعا ......متبرعه بيه ليكم كلكم


ــــــــــــــــــــــــــــــــــــــــــــــــــــــــــــــــــ


الحمد لله انتهت العملية ويارب اكون قدرت اجاوب وابين شخصيتى فى التاج ده وكل سنة وانتم طيبين ..............ميرو انتكة

11 التعليقات:

  لا تـــشـــتــــاق

26 سبتمبر، 2009 1:11 م

انا مش عاوز التاج ياستى
بس عجبتنى ردودك على الاسئله

  sweet angel

26 سبتمبر، 2009 4:30 م

أزال المؤلف هذا التعليق.
  sweet angel

26 سبتمبر، 2009 4:32 م

sweet angel يقول...
السلام عليكم

طب مش تقولي ياستي انك مطيعه اوي كده
وسريعه كمان
بس شاطره يا ميرو
ولو اني زعلانه علشان كان مفروض ابقا اول تعليق
اجاباتك جميله
تنم عن شخصيه رقيقه رائعه

كل سنه وانتي طيبه
دمتى ودام التواصل بيننا

  كيكى عوووووو

26 سبتمبر، 2009 7:01 م

يعنى دة اول تاج فى حياتك التدونية ملقيتش غير التاج دة!!! اصلى بجد بكره اسئله التاج دة اوى والله معرفش ليه؟؟
بس لية انتى كدة لوحدك؟؟
ومبروك ع المجلة يا انتكه

  ميرو انتكة

27 سبتمبر، 2009 2:16 ص

لا تشتاق
-------
ههههه ليه بس ده جميل والله خالص وابن حلال

ميرسى ربنا يخليك

ونورت المدونة

تحياتى

  ميرو انتكة

27 سبتمبر، 2009 2:17 ص

sweet angle
--------
وعليكم السلام يا جميلة

ربنا يخليكى يا قمر يا رب ده من ذوقك انتى بس والله

كل سنة وانتى طيبة يا جميلة

تحياتى

  ميرو انتكة

27 سبتمبر، 2009 2:55 ص

كيكى عووووووو
-----
ازيك يا توتى

ههههههه اه والله يا حبيبتى اول تاج كان صعب فعلا بس والله جميل وممتع لما تلاقى نفسك جاوبتى على 15 سؤال تقريبا جمع شخصيتك حاجة لذيذة قوى

والله حكاية لوحدى دى بحس انى كده اريح واحسن مع انى بحب الناس جدا واتكلم واضحك

الله يبارك فيكى يا حبيبتى ولازم تشوفيها وتقوليلى رايك فعلا اووووك

هاديكى انا واحدة عووووو بقى فى الاخر علشان وحشتنى منك ههههه

  ادم المصرى

27 سبتمبر، 2009 4:28 ص

اجباتك جميله اوى

كل سنه وانتى طيبه

  ميرو انتكة

28 سبتمبر، 2009 11:41 م

ادم المصرى

ميرسى يا ادم
وكل سنة وانت طيب وبخير يارب

تحياتى

  lorca

12 نوفمبر، 2009 10:36 ص

مبروك التاج يا ميرو

عجبتنى ردودك على الاسئله

عاوزين نشوف جديد هناء وشيرين

ليه متوقفة عن الكتابة؟

  ميرو انتكة

12 نوفمبر، 2009 4:15 م

lorka

ميرسى يا احمد

اسفه انى بقى لى فترة كبيرة متوقفه عن الكتابه بس على يدك الكلية السنة دى مش مدية فرصه لحاجة